Radio, online – Governu garante, katak iha 28 de Novembru ahi sei lakan permanente iha kapital Dili, depois halo inagurasaun elektrifikasaun Hera. Maibe garante ne’e hanesan garganta deit, realidade ahi sei lakan-mate iha parte Becora, Manleuana, Bairopite nomos parte Comoro.
“Inagurasaun ne’e hanesan soe rai rahun ba povu nia matan deit,”dehan Deputadu husi Fretilin Inacio Moreira ba radioliberdadedili.com Segunda, (5/12) iha uma fukun Parlamentu Nasioinal.
Inacio hatutan, promesa ne’ebe governu AMP halo ne’e hanesan AMP soe rai rahun ba povo nia matan. tamba saida iha Dili laran povo halerik hela ahi lakan-mate. Iha Sabado foin lalais ne’e mosu sirkutu ahi han uma iha Quintal bo’ot no iha Liguisa inkliu Deputado nia uma ne’ebe impaktu husi normalijasaun.
“Uluk hau hateten bebeik see hakarak ahi ne’e la mate bebeik fiu uluk Indonesia ne’e hasai, no ilegal sira ne’e la iha ona ne’e bele lakan,”Inacio konfesa.
Deputadu kritikus ne’e dehan, instalasaun iha Dili laran hare hanesan duni malu. “Ita hatudu ita nia frakeza, signifika AMP la iha plano ba dezenvolimentu,”Inacio komenta.
Reforsa ba failansu ahi lakan-mate ne’e Deputado Francisco Jeronimo informa, iha area Kaiteu, Liquisa fiu derepente lakan. Kazu ne’e hato’o ona ba EDTL maibe seidauk foti atensaun.
Discussion about this post