Radio, online – Serkretario Estado Eletrisidade Agua no Urbanizasaun, Januari Pereira firmi hodi hateten, oliu pezadu Hera sei inagura iha 27 Novembru. Serimonia inagurasaun ne’e halao iha Palacio Governu ne’ebe partisipa direitamente husi Prmeiru Ministru Kay Rala Xanana Gusmao. Hahu husi kalan 27 Novembru nian ba oin ahi eletrisidade sei lakan total. Povu husi Distritu Dili, Manatuto, Aileu, Liquisa ikliu Gleno sei goza ba projetu bo’ot ne’e.
Serkretario Estado Eletrisidade Agua no Urbanizasaun, Januari Pereira infroma lia hirak ne’e ba jornalista, (23/11) iha uma fukun Parlamento Nasional hafoin debate OGE 2012.
“Ami espera iha tempo badak ahi sei lakan tuir lina hafoin hatama ba 20 Mega watt mak bele fornese ba komunidade. Sei iha dezafiu tamba problema tekniku,”Januario konfesa.
Tuir Januario, makina iha sentru Hera ho sisitema tama iha komputer no digital. Tamba ne’e tenke kuidadu nafatin no tau garatian. “Hau husu ba inan anam sira no maluk sira husi opozisaun tamba eleterisidade interese nasional. Maibe maluk sira balun dehan katak iha Agusto ami sai husi governu, ida ne’e laos ami nia kestaun. Kestaun importante liu mak onsa ahi atu lakan,”Januario firmeza.
Kada loron sei uza jerador ida ho osan montate Dois miloes kuatru sentus kurenta sinko mil litru, tamba mina nia folin tun sae.
Hatan konaba 27 Novembru ahi lakan total ba distritu 4, Deputadu opozisaun Inasio Moreira hateten “Hau lakoi koalia uluk lai, ba imi tamba desizaun politika tenknika mente la lakan, tamba problema barak. Iha fatin hotu hotu ilegais sira seidauk halo normalizasaun ne’e mak problema bo’ot,”Inacio espresa.
Discussion about this post