Radio, online – Sekretariu Estado Promosaun Igualdade (SEPI) organiza inkontru ho feto partido politikus sira ba dala tolu hodi preparasaun ba iha eleisaun Parlamentar 2012.
Iha enkotru hodi asina plataforma ne’e ho tema “hamutuk ita bele no forti, hau bele, o bele, ita hotu bele signifika katak, se deit la hare ba nia seksu, ferik ka katuas no joven maibe ita katak ema see deit ita ida-idak bele,’dehan Sekretariu Estado Promosaun Igualdade Idelta Maria Rodrigues iha nia palestra iha delta Nova Comoro,Tersa, (22/11).
Iha asina plataforma politika feto husi organizasaun feto iha partido politikus ba eleisaun Parlementar tinan 2012.
Idelta hatutan, objetivu husi progresu ida atu asina plata forma politika feto husi organizasaun feto iha partidu politikus ba eleisaun Parlamentar 2012 liliu ba feto maluk sira ne’ebe involve an iha partidu politikus liliu husi 22 partidu.
Idelta husu ba partido politikus sira iha komitmentu ho aseita ho esforsu final ne’ebe SEPI realize , tamba ne’e Idelta espera katak,ho asina plata forma feto iha politika feto bele aumenta no fo kbiit liu tan ba feto partidu politikus sira atu luta nafatin ba dezegualdade ne’ebe ita iha ita nia pais ne’e infrenta.
Nia salienta liu tan espera katak, feto hotu-hotu koko atu esforsua an no hadia an liliu atu influenza partidu politikus ba area igualdade generu.plata forma ne’e hetan asinatura husi partido politikus hamutuk 14 sanulu resin rua no partidu balu ne’ebe sidauk hetan asina sei tuir asina.
Partido Frente Mudansa Dina Pires hateten, programa ne’ebe parte governu liu husi SEPI halao ne’e ne’e kapas tebes tamba bele ajuda feto maluk sira atu compete ho mane sira tamba feto mos iha direitu.
Discussion about this post