Radio, online – Merkadu Taibesi ne’ebe rehabilita husi governu 2006 liu husi Ministeriu Turismu Komersiu no Industria, to’o agora vendadores sira ne’ebe fa’an iha merkadu Halilaran no Taibesi la uza tanba Merkadu refere kondisaun ne’ebe ladun diak.
Marcos Freitas Barros nudar Koordenador merkadu Taibesi hateten katak, problema merkadu ne’ebe governu rehabilita ne’e remata ona maibe vendadores sira to’o agora la utiliza hodi fa’an sasan tanba kondisaun saneamento ne’ebe la kompleto hanesan,be’e no sintina fatin.
Marcos Freitas Afirma katak, banhira halao inkontro ho Aministrador Distrito Dili, MTCI no Estatal maibe to’o agora seidauk resolve prolema merkadu nia fasilidades ne’ebe mesiona.
“Gasta orsamento povo nia governu tenki iha planu no mos tenki iha resultado ne’ebe diak ba povu. Merkadu hanesan fatin importante ba povu ki’ik sira hodi hasae ekonomia,’dehan Marcos afirma.
Iha parte seluk Alberto Pereire de Araujo hanesan vendedores hateten, rehabilitasaun merkadu ne’e remata vendadores balu mak uza hodi fa’an sasan iha ne’e, maibe to’o semana rua liu tiha vendadores sira sai fali ba fa’an sasan iha mekadu Halilaran tanba ema komparador latama iha fatin refere.
“Merkadu ne’e remata ami fa’an iha ne’e maibe ema la mai sosa ami mos ba fa’an iha Halilaran. Tanba iha merkadu Taibesi ema laiha atu mai sosa,”Alberto konfesa.
Alberto husu ba Administrador Dili diak liu hare tiha merkadu nia saneamentu kompletu tiha, idepois hasai despaisu hodi vendedores sira mak fa’an iha Halilaran muda hotu ba merkadu Taibesi.
Alende ne’e mos merkadu iha Dili sei sai sabaraut ba vendedores sira fa’an sasan. Hanesan mos iha merkadu Comoro iha tempo lokraik vendedores sira fa’an modo, fa’an iha estrada ninin. Espera katak sidade Dili sei sai diak governu tenki fo atensaun maximu.
Discussion about this post