Radio online – Ministeiru da Saude iha parte sosializasaun sei menus hodi fo impaktu maka’as ba inan sira sei hili partus iha uma sei sae mak’as ho 80%. Alende ne’e mos mortalidade inan ho oan sei as iha nasaun ne’e.
“Iha Timor-Leste inan isin rua sira sei partusu iha uma rasik sae ona ba 80%,”dehan konsultan UNICEF Pancho Kasmam iha treinamentu ba parteiras sira Kuarta, (8/6) iha Salaun treinamentu Fundasaun Alola.
Tuir Kasman objetivu husi trenamento ba parteira sira husi distritu sanolu resin tolu ne’e oinsa parteira sira ne’e iha konesimentu liutan atu bele halo tratamentu ba inan isin rua sira iha baze.
Kasman hare katak Timor Leste inan sira dala barak lakoi ba halo tratamentu iha sentru saude tamba ne’e inan no oan mate mos sae ba 80%.
“Importante tebes parte saude nian esforsu sosializasaun maka’as atu inan sira iha konsensia halo tratamentu isin rua to’o partus tenki asesu ba fasilidades saude nian,”Kasman apela.
Konsulta UNICEF ne’e mos husu ba governu Timor Leste atu fo suporta ba parteira sira hodi bele hala’o servisu diak bele fo antendimento ba ina isin rua sira ne’ebe halo trataemnto iha sentru saude .
Iha fatin hanesan Ivonia de Jesus Santos hateten, parteira sira ne’ebe mai turi treinamentu ne’e sei halo pratika iha Hospital Nasional Guido Valadares bazea ba material ne’e sira hetan.
Tuir Ivonia los duni inan sira isin rua menus tebes atu asesu iha sentru saude tanba sei fiar ba parteira tradisional. Ho ida ne’e mak inan sira bele mate no oan sira mos mate tanba husi parte saude la atende.
“presiza tebes sosializasaun maka’as ba ita nia povu sira atu iha konsensia diak. Sosializasaun ne’e laos deit ba inan sira maibe mos ba aman sira atu iha hanoin katak asesu ba iha fasilidade saude bele garantia iha prosesu partus,”Ivonia husu.
Discussion about this post