Radio, online – Kondisaun Electrisidade ne’ebe kontinua lakan-mate kapital Dili halo komunidade sira kontinua prekupa tamba kal-kalan tur iha nakukun nia laran. Sai sofre liu mak ahin lakan mate ne’e rezulta tiu Marcelino hanean negosiante iha parte Komoro lakon ninia jeral ne’ebe hetan keima tiha.
“Iha oras tuku 6:20 kalan ahi lakan hela derepenti atu tama ba tuku 7 ahi mate tarutu no sente is hanesan fiu ahin hanesan, hau hare hau nia jelera iha loza laran keima tiha tanba ahi mate derepenti,”dehan Marcelino da Costa ba radioliberdadeonline.com Kinta kalan, (10/11).
Tiu Marcelino hatutan, ahi elektrisidade iha parte Komoro ahi ne’e loron kalan mate lakan halo estraga hotu ita nia sasan electronic hanesan gelera, radio, televisaun no seluk tan.
Tiu Marcelino lamenta ba promesa governu dehan fulan Novembru nia laran ahi sei la mate maibe realidade ne’ebe ohin loron ahi elektrisidade kontinua lakan-mate.
Liu husi debate OGE 2012 ne’e nudar sidadaun iha rai ne’e husu governu tau atensaun no lalika fo toleransia ba Sekertariu Elektrisidade. Iha fulan Novembru ba oin mak ahi nafatin hanesan husu ba PM Xanana hasai tiha Januario ne’e
OGE 1012 aprezenta orsamentu montante $ 1.763,4 tamba ne’e nudar povo ki’ik husu ba estado tenki gasta ho orsamnetu ne’e ho didiak no tenki iha resultadu.
“Ita hotu hatene katak, durante ita ukun tinan hirak nia laran povo barak mak sei kontinua moris iha terus nia laran no sempre hakilar bebeik konaba prekupasaun hanesan, saude, edukasaun, estrada no seluk tan,”nia akresenta.
Discussion about this post