Radio, online – Prezidenti Parlamentu Nasional Fernando Lasama de Araujo senti tristi ho planu governu nian liu husi Ministeiru meu ambiente hodi tesi ai iha kapital Dili, hahalok ne’e hanesan hamolik sidade ne’e.
“Hau husu ba kompanha mak hetan autorizasaun husi governu hapara ona tesi ai hun bo’ot iha parte tasi ibun nian, tanba ho ai hun bo’ot ne’e mak fo ogsijenia mai ita hodi dada is,”dehan Lasama wainhira responde ba lamentasaun Deputadu Fernanda Borges iha debate OGE 2012.
Iha tereinu iha kompanha 5 mak hetan autorizasaun tesi ai hun bo’ot. Ai ne’e mak hanesan ai matan dukur na tasi ibun sede Sekertario Estadu Juventude Desportu nain oin.
Pelaksana kompanha CICU Domingos Fernades ne’ebe tesi ai hateten, ai sira ne’e tesi tanba hetan autorizasuan husi Sekertariu Estadu Meiu Ambeinte Abilio Lima. Ai sira mak tesi ne’e ai matan dukur ai hali laos tesi nia hun maibe aparu deit. Ai matan dukur iha hun tolu mak hetan tesi.
Defende ba aktu tesi ai hun bo’ot hirak ne’e Ministru Ministeriu Turismu Comersio Iindustria (MTCI) Gil Alves iha Parlamentu Nasional hateten, tesi ai sira mak ninia hun ne’e atu estraga fali rai no semete sira mak fui iha nia hun. Ai matan dukur nia abut ne’e la tun los ba rai kidun maibe bobar iha rai leten hodi estraga no sobu semete ba fui ona.
“Imi sira mak tesi ne’e la sala, maibe ida ne’e hau nia funsionariu mak sala maibe imi tesi karik tesi deit ni sanak labele tesi fali nia hun,” dehan Sekertariu Estadu Meiu Ambiente Abilio Lima ne’ebe ba hare dereitamente.
Discussion about this post