Radio, online – Komisaun Anti Korupsaun (KAK) organiza workshop no fahe koinesementu konaba tipu-tipu korupsaun no prevene korupsaun ho Ministeriu da Saude.
Workshop loron ida ne’e halao iha Sentru Kovensaun Dili, Tersa (27/9). Komisairu KAK Aderito de Jesus iha nia palestra hateten, objetivo husi workshop ne’e dalan hodi prevense Korupsaun no fo tipu-tipu konaba lalaok korupsaun nian.
Tuir Komisariu KAK iha Ministeiru da Saude iha Xefi Departamentu balun seidauk iha koinesimentu kona ba Knar KAK nian.
“Ami halo promosaun ba Ministreio saude ne’e tamba Xefi Departamentu Ministeriu da Saude balun seidauk no tipu-tipu korupsaun iha kodiku penal, tanba tipu korupsaun ne’e teknika tebes”komenta Aderito.
Aderito esplika liu tan katak, KAK laos halo deit Investigasaun ba kazu korupsaun, maibe KAK halo mos promosaun ba funsionairu hotu – hotu, atu sira bele iha koinesimentu klean liu tan. Ba oin Timor Leste bele hamenus korupsaun ho planu ida.
“Ita bele mos hamenus KKN iha ita nia nasaun ne’e ho asaun prevensaun no halo promosaun ba Ministeiru sira hotu,”dehan Aderito.
KAK Hetan Intimidasaun Liu husi Telefone no SMS
Iha fatin ne’e mos eis Deputadu FRETILIN I Lejislasaun fo sai katak, durante KAK halao nia knar iha sidadaun balun halo intimidasaun hasoru KAK liu husi telefone hodi koalia lia fuan trata no SMS ho lia fuan mak ameasa.
“Ami hanesan instituisaun KAK, ami hanesan polisia kirminal espesial, tamba ne’e KAK pronto nafatin halo nia funsaun hodi preve no hamenus korupsaun iha nasaun ne’e, tamba KAK hamutuk ho povu,”dehan Aderito.
Iha fatin hanesan Ministru da Saude, Nelson Martins hateten, liu husi workshop ne’e fo benefisiu bo’ot tebes xefi departamentu sira liliu ba Ministeriu da Saude atu halakon korupsaun. “Hau nia xefi gabineti sira, halo desizaun, sira mos maneja orsamentu rasik, tamba ne’e hau rasik direitamente husu ba KAK hodi marka workshop ho hau nia funsionairu sira,”Nelson afirma
Ministru da Saude fo parabens ba KAK, tamba konsege ona investiga Korupsaun ne’ebe durante ne’e mosu iha Timor Leste. Maibe Governo mos tenke kapasita funsionario KAK, atu bele halo investigasaun ho profesionalizmu tamba iha futuru osan sei barak iha Timor Leste.
Durante hari KAK iha nasaun ne’e seidauk lori kazu ida husi KAK ba iha tribunal hodi halao julgamentu, ba futuru ita hein knar KAK nia funsaun lolos.
Discussion about this post