Radio, online – Sosiedade Sivil, Luta Hamutuk (LH) konsedera inkapasidade Ministeriu Finansas (MF), hodi pagamentu ba implementasaun programa, Projetu Dezenvolvimentu Dezentralizasaun (PDD) I no PDD II.
Diretur Luta Hamutuk Mericio Akara liu husi konferensia da emprensa ba jornalista Kuarta, (28/9) iha nia servisu Farol, Dili.
Mericio hatutan, tuir informasaun ne’ebe hetan husi komisaun dezenvolvimentu diatritu iha Distritu Lautem dehan katak, servisu MF to’o agora seidauk bele finansia projeitu PDD I no PDD II. Kestaun ne’ebe hanesan hato’o mos Departamentu Financas Estatal, Estatal hato’o MF maibe seidauk iha pagamentu.
Bazea ba rezultado Luta Hamutuk nian dehan, durante ne’e prosesu implementasaun projeitu PDD iha Distritu Lautem nivel Sub-Distritu, Suku no Aldeia, Luta Hamutuk identifika katak hahu husi Janeiru ate fim Dezembru 2011 projeitu PDD balun to’o agora seidauk implementa. Razaun fundamentu PDD I la lao tamba inkapasidade FM iha jestaun pagamentus adientamentu ne’ebe tarde.
Diretur ne’e hatutan, monitorizasaun ne’ebe ekipa halao iha Distritu Lautem identifika projeitu PDD I no PDD II ne’ebe implementa, projeitu tama iha klasifikasaun B, C, no D. Klasifikasaun ne’e tamba kompania mak implementa, maibe la garantia tuir kontratu data no bele prejudika kulalidade projeitu.
Mericio hanesan Distritu Lautem nia oan, la satisfas projeitu PDD II distribuisaun elektrisidade ne’ebe laiha kualidade. Hanesan kompania uza ai-rin tuan no forma ai-rin barak mak kleuk. Administrasaun Lautem la bele halo intervensaun tamba sira laiha koinesementu no kompetensia ne’ebe orienta husi nasional atu halo kontrolu direita.
“Ami konsedera katak PDD laos atu halo dezenvolvimentu ba nasaun no hasae ekonomia povu nian iha baze maibe haburas deit KKN no projetu laiha kualidade,”Mericio lamenta.
Discussion about this post