Ermera- Abel Marçal Martins, idade 30, hanesan kaben-nain, hetan kontratu tinan 4 servisu traballador iha Austrália no dadaun ne’e servisu tinan ida fulan lima ona iha Austrália servisu hanesan fabrika iha kompañia naran Mil fil.
Remata sekundáriu iha tinan 2015 Abel la kontinua iha universidade tanba ekonómia la sufisiente entaun nia kontinua kursu lingua korea to konsege tuir teste iha EPS topik maibé la liu entaun nia ajuda fali inan, aman halo servisu hanesan agrikultor nian.
Iha 2019 bainhira Diresaun Nasionál Empregu Estranjeiru liu husi SEFOPE loke vaga Austrália Mane ho idade 30 ne’e koko aplika ikus iha razultadu hatudu nia naran sai hodi ba tuir teste.
“Ha’u haree SEFOPE loke vaga Austrália nian liu husi media ha’u koko aplay, no naran pasa iha dukumentus hodi tuir teste ba ezame eskrita,oral ha’u pasa hotu no tes fiziku iha 2020 depois ida ne’e ho prosesu to’o 2022-10-26, ha’u sai husi Timor ba Austrália” Abel haktuir
Iha Austrália hanesan traballador Timor oan Abel konta nia seidauk domina servisu ema sei fo trenu ba nia servisu hanesan fabrika iha kompaña naran Mil Fil kompaña ne’e primera vez nia servisu iha ne’eba.
“Hanesan Timor oan foin primeiru vez tama iha ema nia rai ka nasaun nia seidauk domina servisu no primeru nia sei tuir ema ne’ebé mak servisu ona iha ne’eba, oinsá adapta servisu sira ho di’ak” nia konta ba jornalista sira iha 19/04/2024.
Bainhira kompaña haree Abel badinas no servisu di’ak hahú kontratu nia durante tinan haat 4 hanesan traballador iha area fabrika nian ho saláriu ne’ebé kada oras.
“Iha level 1 hetan saláriu $ 21.50 sentavus, kada oras ida, maibé agora kompaña nain haree ha’u servisu di’ak agora sira hasae ba level 5 kada oras ida $ 30 dolar, kompaña selu ita nia servisu laos kada fulan maibé kada semana ida sira selu. $ 1.200 ou $1.300, no fulan ida bele $ 4.000 ou $ 5.000” nia konta
Abel hatutan iha ema nia rain tenke maneza osan tanba sai husi uma ka rai ida ne’e ho objetivu ida to’o iha ne’eba labele hanoin buat oi-oin, tenki gastu ba buat ne’ebé presiza no haruka osan ba família sira.
Husi rezultadu servisu iha Austrália Abel sosa rai ho medida 20×25 ho folin $ 5.000 no inkui halo uma ida fó ba nia inan aman ho medida 10×12, sosa rai no halo uma totál osan $ 20.000 no uma hotu ho osan totál hamutuk $ 30.000.
Nia halo komparasaun bainhira seidauk ba servisu iha Austrália ho pai, mãe iha de’it uma kondisaun ladun di’ak, moris difisil liu, maibé agora sente mudansa ona tanba nia ba servisu hodi bele halo uma, osan balun hodi selu alin sira nia estudu no sasan presiza ba eskola nian.
“Alin balun eskola primaria balun pre-sekundária no seluk Universidade iha UNTL, ha’u iha maun alin hamutuk nain 10 mane 6 feto 4, hanesan oan mane boot sente todan. Maibé hetan oprtunidade ba Austrália sente buat hotu-hotu la’o ho di’ak, kaman” nia haktuir iha nia hela fatin.
Durante iha Austrália Abel hasoru dezafiu hanesan buat ne’ebé ladi’ak husi ema kompaña nain ka super vaizor sira ne’ebé servisu hamutuk dalaruma hirus, kuandu servisu lalos sira sempre hirus ho liafuan ne’ebé ladi’ak, maibé nia nafatin pasensia tanba nia ba buka servisu hodi hadia moris.
Iha sorin seluk, Manuela Martins Soares hanesan fen kaben husi Abel Marcal kontenti tanba hetan mane ne’ebé responsabilidade ba nia familia no ba nia inan aman sira, Manuela haktuir sira sempre ajuda malu no suporta malu hodi buka dalan hadi’a família nia moris no tau matan ba oan sira.
“Iha momentu nia sei prepara hela dukumentus atu submete ba Austrália nian ha’u mos ajuda buka osan liuhusi servisu iha restorante no fan OB hodi tau osan hamutuk prepara ba nia hodi ba Austrália” dehan Manuela.
Abel kaben ho Manuela iha tinan 2019 ho nia idade 26 no daundaun ne’e iha oan mane nain ida, Manuela nu’udar fen nia hateten, nia laen Servisu iha Rai Liur sempre haruka osan kada fulan mai familia sira.
Tuir dadus husi Diresaun Nasionál Empregu Estranjeiru SEFOPE nian, hahú husi tinan 2012-2023, entre 13.295 ema ne’ebé ba servisu iha Austrália, trabalhador 1.311 husi munisípiu Ermera. Faktus sira ne’e Jornalista sira hetan husi Media Tour ne’ebé organiza husi AJTL no OXFAM iha Timor-Leste.
Jornalista : Natalina Araújo
Editor : Natalino Ximenes
Discussion about this post