Radio, online – Fundasaun Mahein (FM) hanesan NGO ida ne’ebe halo monitorizasaun, peskiza no halo advokasia ba seitro Seguransa no Defeza. FM kosedera durante uku-an seguransa maritima sei iha situasaun frazil. Peskizador FM iha area Seguransa Maritima João Almeida liu husi konfrensia da emprensa iha edifisiu FM, Balidi, Dili Kuarta(21/09).
Tuir FM nia peskiza seguransa maritima iha sistema kontrola sei fraku, tamba autoridade maritima hanesan PNTL ho komponente F-FDTL Naval seidauk iha kapasidade no ekipamentus, rekursu humanus ne’ebe naton atu halo seguransa.
“To’o agroa sidauk iha lina fronteira arina timor leste nian ho nasaun seluk hanesan Indonezia no Australia tamba ne’e sei fo konfusaun ba autoridade maritima TL nina la fo seguransa diak,” João afirma.
João hatutan, iha relatoriu ne’e mos deskobre konsekuensia husi kontrolu fraku ba zona maritima TL ba peskador illegal, kontra bandu, transportasaun droga no mos estragos ba ambiente marina nian durante ne’e akontese iha zona maritima TL. Seguransa ladun diak sei bele hamosu trafiku kilat.
Nia salienta liu tan katak, FM nia lian ne’e mos deklara katak, to’o sidauk iha lei kona ba asegura vida autoridade marina nian ne’ebe servisu iha tasi laran konsekuensia husi ida ne’e sei resulta asidente ruma karik,bele mate saugati deit tamba sidauk iha markasaun husi Ministeriu Turizmu ho Sekertariu estado peskas no akuarium nian kona ba areas turizmu no peska iha tasi.
Ho problemas mak deskobre, FM rekomenda ba governu ho autoridade maritime. Governu presisa halo estudu klean saida mak sai hanesan ameasa iha tasi TL no saida mak governu prezisa halo intervensaun urjenti. Governu TL no Indonezia prezisa estabelese linhateral entre TL no Indonezia inklui patrolha konjunta iha fronteira TL no Indonezia hodi asegura seguransa iha lina fronteira husi aktividad peska ilegal, kontra bandu, droga no kilat.
Ba oin, governu presisa kria lei ne’ebe difini estatutu ba elementu ne’ebe intrega iha autoridade nasional maritima nian tamba servisu tasi nian ameasa bo’ot tebes ba sira nia vida.
Entretantu Diretor FM Nelson Belo reforsa, asidente ne’ebe akontese iha tasi Timor numeiru as liu mak peska illegal. FM deskobre iha ninia relatoriu katak, trafiku kilat okupa seti por sento ne’e tuir buat ne’ebe unidade nasional maritima hetan.
Nelson hatutan, tuir polisia unidade maritima hetan mak kilat manu laos kilat bo’ot maibe FM iha deskonfia katak movimentu illegal ne’ebe barak liu iha mos indikasaun katak kilat seluk iha .
“Ami rasik labele hateten katak kilat ne’e iha duni tamba ne’e tenki liu husi investigasaun no peskiza ne’ebe klean atu nune’e bele hatene no justifika,”nia komenta.
Taka ba konferensia ne’e João hateten, seguransa maritima TL hanesan setor ida importante hodi kontrola riku soin iha tasi laran no kontrola ema ilegal sira mai naok ikan iha tasi Timor. Seguransa maritima iha sistema siguransa nasional, zona ekonomia eksklusiva no nia direitu iha zona maritima ne’ebe soberanu nasaun TL. Maibe tuir FM atu satan netik seguransa seguru ba publiku no seguransa ba trafiku iha tasi laran sai obstaklu iha dekada hirak ne’e nian.
Discussion about this post