Radio, online – Governu liu husi Ministeriu Administrasaun Estatal Ordenamentu Teritoriu (MAOET) servisu hamutuk ho Povo Americano (USAID) no The Asia Foundation selebra loron susesu ba atividade governasaun suku ne’ebe halao durante tinan tolu nia laran husi distritu ha’at (4) mak hanesan Distritu Baucau, Bobonaro, Ainaro no Oecusse.
Selebrasaun susesu ne’e halao iha salaun Nobre Ministeriu Estranjeiru praia doscoceirus, Dili, Tersa (20/9).
Director Planning and External Co’operation Miguel Carvalho hateten implementasaun programa husi The Asia Fundation ne’e importante tebes ba lider komunitariu sira tamba bele aumenta sira nia kapasidade no bele haforsa liu tan xefi sukus nia kbi’it iha sistema governasaun tomak.
Reprezentante The Asia Foundation Siles Everet dehan, objetivu husi aktividade ne’e atu koalia klean liu tan siada mak akontese durante tinan tolu nia laran no suku hirak ne’ebe halao iha funsaun governasaun ruma iha nivel suku ne’ebe hamosu rezultadu konkretu ruma iha area ididak
Everet hatutan, durante tinan tolu nia laran The Asia Fundation hare iha area ne’ebe Konselho Ministro ladun iha kontrola ba iha projeitu hotu ne’ebe iha. Nune’e The Asia Fundation implementa iha area subdistrisaun maibe iha fatin seluk sira hetan mandato husi governu, Ther Asia Fundation kontrola hodi halao ho diak.
Iha fatin hanesan Director USAID, Rick Scott iha ninia palestra hateten, programa ne’ebe durante ne’e NGO rua halao mak hanesan demokrasia partisipasaun hanesan xave ida atu nune’e bele atinji rezultado ne’ebe konselho suku sira halao.
Scott hein katak programa ida hanesan ne’e konselho suku sira kontinua halao nafatin aktividade importante hanesan ne’e, mantein nafatin sukus nia ko’operasaun .
Iha parte seluk Administrasaun Distrito Bobonaro Domingos Martinhs dehan, projetu ne’ebe durante tinan tolu nia laran The Asia Foundationa hamutuk ho Ministeriu MAEOT implementa ne’e projeitu ne’e ho susesu.
Tamba ne’e nia husu ba Konsellho suku sira halao nafatin programa saida mak durante tinan tolu nia laran sira hetan husi The Asia Foundation sira nia katividade iha Distrito Bobonaro.
Iha eventu partisipa husi Xefi Sukus husi Distrito Ha’at (4) Baucau, Oecusse, Bobonaro no Ainaro, nomos Administrador husi Distrito refere.
Discussion about this post