Radio, online – Membru husi nasaun Comunidade Pais Lingua Portuguesa (CPLP) halao vizita ba iha Comisaun Akholamentu Verdade Rekonsiliasaun (CAVR) eis komarka Balide hodi hare arguivo prosesu resistensia Timor oan nian hodi hetan ukun-rasik an hanesan nasaun foun iha era milenium.
Vizita espesial ne’e halao iha loron Segunda, (20/9). Diretor CAVR Agustino Vaz Conseilo hateten, objetivu assembleia parlamentar CPLP mai Vizita CAVR ne’e atu hare fatin istoriko, hodi hatene istoria okupasaun tempo kolonialismo no tempo okupasaun konaba violasaun Direitos Humanus.
“Ami hetan konvite ida husi Parlamentu Nasional katak membro CPLP atu hatene istoria funu husi 1975-1999 no atu hetan esperensia balun husi Timor Leste nia Istoria,”dehan Agustino.
Reprezentante CPLP vizita STP – CAVR hodi hatene istoria Timor leste durante 24 anos konaba violasaun direitos humanus husi tempo kolonialismo no okupasaun ilegal husi militar Indonesia .
Vice Prezidenti Parlamentu do Portugal Adriano Rafaela Moreira dehan, senti orguilu ho Timor Leste, tamba foin ukun an tinan 10 maibe konsege ona halibur dadus istoria. Ida ne’e sai istoria ba foin sae sira iha futuru mai, atu nune’e iha frimi hodi hadia nasaun ne’e.
“Hau senti konteti hodi hare ba arguivo sira mak halibur iha didin lolon ne’e, nebe mak iha pasadu timor oan terus barak no mate baarak tanba hakarak Independensia. Hau hare iha dokumentus hahu 1975-1999 ida ne’e orguilo bo’ot ida ba Timor leste atu sai istoria ida ba jersaun oin mai,” konfesa Rafael.
Xefi Delegasaun Mocambique Margarida Talapa, mos senti kontenti ho dokumentus historiko nebe Timor Leste konsege halibur ona ida ne’e sai referensia bo’ot ida ba Juventude sira tamba Istoria ne’e importante ba nasaun hotu –hotu iha mundo.
“Hau sujere ba Timor oan, kaer istortia iha pasadu hodi hateke ba oin. Iha imajen fotogaravia no dokumentus importante nune’e sai referensia bo’ot ba foinsae Timor oan,”nia apela.
Membro CPLP mak ba Vizita CAVR hanesan, Joana Lina Batista husi Angola, Raimundo Pereira husi Guine-Bissau, Basilio Mosso Ramos husi Cabo Verde, Evaristo Espirito Santo husi Sao Tome e Prinsipe, Margarida Talapa husi Mosambique no Adriano Rafaela Moreira husi Portugal.
CAVR ne’e nia funsaun atu halibur dokumentu historiku iha tempo kolonialismo no tempo okupasaun Timor Leste.
Discussion about this post