Radio, online – Husi delegadu 749 mai husi distritu 13 no nasional, ne’ebe tuir III Kongresu FRETILIN durante loron hat nia laran, iha Domingu (11/9) disidi katak, delegadu 90 mak eleitu ba membru Comite Central FRETILIN. Husi total ne’e lier FRETILIN Rogerio Lobato lakoi tama ba membru CCF hodi fo fatin ba jerasaun foun no foin sae sira.
Iha III kongresu FRETILIN nian ne’e diskuti no aprova manual no programa partido nian hodi hili mos membru CCF 90 ba pariodu 2011-2016. Nune’e mos iha kongresu ne’e hodi forma Komisaun Nasional Juridika FRETILIN hamutuk ema nain 7 no nain 2 suplente.
Membru Komisaun Nasional Juridika FRETILIN ne’ebe eleitu mak hanesan, Domingos Maria Sarmento, Maria Solana, Joaguim dos Santos, Arcanjo da Silva, Raimindo Jose Neto, Florencio Fernandes no Filomena Exposto.
Membru CCF eleitnu mai husi distritu hamutuk nain 2. Distritu Aileu, Ainaro, Manufahi no Oecusse reprezenta ema nain ida. Distritu Lautem, Ermera, Bobonaro, Covalima, Liquisa, Viqueque no Manatuto reprezenta ema nain rua. Distritu Baucau reprezenta ema nian tolu, no Distritu Dili reprezenta ema nain ha’at.
Membru CCF ne’ebe latama iha lista pakote no hetan hili husi Prezidenti no Sekertariu Jeral FRETILIN iha kongresu ne’e hamutuk ema nain 40. Alende ne’e mos membru CCF suplente ema nain 25 hili direitamente husi Prezidenti no Sekertariu jeral FRETILIN, LuOlo no Mari.
Hafoin remata hili delegadu CCF nain 90, ne’ebe akompaha husi Prezidenti no Sekertariu Jeral FRETILIN hamutuk ho kogresista sira halao kedas juramentu hodi sai sasin ba delegadu 90 ne’e hodi halao knar partido historiku ne’e iha 2011-2016.
Tuir observasaun antes atu hili membru CCF mosu deskontente entre kongresista ho komisaun organizadora. Maske iha asaun protesta maibe kongresu ba dala III partido FRETILIN nian durante loron ha’at ne’e lao ho diak no susesu.
Discussion about this post