Radio, online – Frente Revolucionaria Timor Leste Independente ( FRETILIN) halao kongresu Nasional Ba III. Tema Sentral ba kongresu “Halo Forti Liu Tan Identidade Atu Hametin, Estabilidade, Paz no Justisa Hodi Loke Dalan Ba Dezenvolvimentu”. Kongresu ne’e halao iha Salaun Centru Convensoins Dili, Kaikoli, (8/9/), iha loron tolu nia laran hahu (8-10 Setembru 2011.
Iha abertura kongresu ba dala III ne’e, Prezidenti Partido FRETILIN Francisco Guterres Lu-Olo hateten, kongresu Nasional FRETILIN ba dala III ne’e importante tebes ba FRETILIN, ba Patria, ita nia nasaun TL no ninia povo Maubere, povo patriotia no povo asuwain sira.
Lu-Olo husu ba kamaradas no bainaka hotu katak lia fuan nebe hau haklaken .sao lia fuan no hanoin laos hau nia mesak maibe kongresu ida nian .kuadrus militantes ,simpatizantes no apoiantes sira hotu no povo maubere tomak atu hamutuk hateke espasu iha kontextu no konjutura politika ho dinamika oi-oin.
Nia salienta liu tan katak, koalia kona ba identdade nudar povo maubere tamba, patria no nasaun timor leste no hakarak identidade nasional mak FRETILIN moris nudar forsa aglutinadora, forsa ida nebe mak hatene duni no asume povo maubere ninia aspirasaun ninia an tomak atu sai husi nakukun ba naroman.
Iha parte seluk Secretaris Geral Partido FRETILIN Mari Alkatiri, iha ninia Deskursu hateten katak,kongresu ba dala tolu ne’e atu hametin demokrasia paz no Estabilidade no mos atu foti desisaun importante tebes atu hametin FRETILIN nia estrutura tomak atu hasoru dezafiu
Mari Alkatiri , espera katak liu husi kongresu ne’e sei sai ho dezisoes nebe klaru tamba Partido FRETILIN nia posisaun no kongresu ida ne’e sei aprova teses tuir situasaun politika, social, ekonomika timor leste nian atu nune’e dezenvolve rai ida ne’e
Entertantu Prezidenti Republika Jose Ramos Horta hateten ba jornalista sira parabens ba fretelin nia kongresu no eleisaun direita no mos parabens ba Prezidenti Partido FRETILIN no Mari Alkatiri ba intervensaun nebe diak no presensa delegasaun ne’ebe barak mai husi rai liur .
Jose Ramos Horta Afirma liu tan deskursu komitmentu tema FRETILIN nia Halo Forti Liu Tan Identidade Atu Hametin, Estabilidade, Paz no Justica Hodi Loke Dalan Ba Dezenvolvimentu ida ne’e tema nebe diak kondis ho situasaun TL nian.
Partispantes ba III kongresu ne’e FRETILIN konvida lider partido husi nasaun sira seluk hanesan Prezidenti Partido Golkar, Sekertario jeral Partido PDI-P, Reprezentante partido Trabalista husi Australia, reprezentante Partido FRELIMO husi Mozambique nomos lider partido sira mak iha rai laran.
Discussion about this post