Radio, online – Movimentu Universitariu Timor Lorosa’e (UNTL) husi fakuldade Fisipol husu ba estadu RDTL ko’opera ho nasaun Indonezia hodi hari tribunal kredivel ne’ebe iha kapasidade judisiariu hodi julga ba autor kriminozu husi oknum militar hodi sulan ba kadeia.
Movimentu estudante UNTL mos fo obrigadu ba general sira mak foin lalais mai partisipa loron FALINTIL 20 de Agostu iha serimonia desmobilisaun ne’ebe intrega direitamente farda no kilat ba guverno. Lalaok ne’e sai izemplu diak ba futuru.
Tuir Movimentu atu hatur direitus humanus presiza iha tribunal hodi julga mos kriminozu sira.
Porta vos Francisco Antonio Ximenes Movimentu UNTL hato’o kestaun ne’e liu husi konferensia da imprensa Kuarta, (24/8) Kaikoli, Dili. Movimentu konsedera ukun an ne’e povo barak mak sakrifisiu nia vida ho forma. Ema barak mate iha lina funu, balun kaptura, hetan torturasaun no simu violasaun direitus humanus tan hodi determina rai Maubere ida ne’e ba autodeterminsaun ne’ebe justu.
“Komandante David Alex ( daitula ) hetan kapturasaun iha tinan 1997 iha distritu Baucau nia sofre kilat musan husi inimigo militar Indonezia hodi rejulta kane’ek no to’o oras ne’e estado Timor Leste no Indonesia sedauk hateten komandante famozu ne’e nia paradero,” Francisco lamenta.
Ami halo konferensia ida ne’e tamba ami nudar jerasaun ba ria ida ne’e hakarak husu ba ulun bo’ot sira husi Timoe lesete no Indonesia atu hatete sai ema nebe lakon mak hanesan David Alex (Daitula) Vicente Reis ( SAHE) Clik Uaigae, Mau Hudo Ran Cadalac, Rodak no sira nebe’e ami la temi hotu, to’o agora sai hanesan misterio hela deit iha povu nia le’et.
Estudante sosial poltiku ne’e husu ba ukun nain sira atu labele kari rai rahun ba povo nia matan hodi hateten katak TL tenke hametin relasaun estadu ho Indonesia hodi nune’e labele lori kirminozu ba Tribunal. Estudante nia prespektiva katak, TL iha futuru hametin relasaun diak ho estado Indonesai maibe lao’s ho meus fo impunidade ba autor kriminozu violasaun Direitus Humanus.
Iha oportunnidade ne’e husu ba komunidade Internasional no ONU atu konsidera karta konvensaun Internsional no relatoriu violasaun diretus humanus atu hari tribunal Internasional.
“Ita nia valor no dignidade nudar umanu sei laiha wainhira parte judisiariu seidauk lori autor prinsipal ba violensia Direitus Humanus durante funu iha TL,” Francsico kestiona.
Discussion about this post