Ema Barak Seidauk hatene Lian Tetum Presiza Formasaun Maximu

Radio, online – “Lian Tetum ita Timor oan nian, maibe sei iha ema barak mak koalia seidauk hatene lolos no susar tebes atu hakerek,” dehan Rev. Padre Professor Doutor Joao Inocencio Piedade SJ.

Hare ba kestaun ne’e, Pe. Joao husu ba governu liu husi Ministeiru da Edukasaun tenki esforsu hodi hanorin lian Tetum diak no lolos iha eskola hahu husi Primaria to’o ensino superio ho maximu.

Pe. Joao hato’o kestaun ne’e Universidade Nasional Timor Leste (UNTL ) organiza  press konferensia Sobre Papel Das Linguas Ofisias Tetun E Portugues No Dezenvolvimentu Nasional, ne’ebe halao iha Otel Timor Kuarta, (24/8).

Pe. Joao hateten, linguas ne’e laos deit atu komprende nia sentido valor deit maibe lingua hanesan kultura  forma ema nia mentalidade, konsentu no forma visaun konaba  maromak no buat hotu.

Tuir Padre Joao nia hare  lian Tetun minim  liu  kuandu halo komparasaun ho ema Timor nia dignidade no valores. Dala barak  jornal mos hakerek lingua ne’ebe’e  sidauk los no mos labarik  iha area rural barak seidauk hatene no komprende lian Tetun, tamba ne’e oinsa governu  atu kria politika ne’ebe’e diak hodi nune’e  povu Timor tomak hatene ninia lian rasik.

“Tetun ne’e ita nia lian ita Timor oan tomak presiza dezenvolve tamba lingua hanesan ita nia kultura rasik,”nia apela.
Reitor Universidade Nasional Timor Lorosa’e (UNTL) Aurelio Guterres iha nia intervensaun hateten, liangua tetun importante tebes  atu dezenvol iha ita nia nasaun tamba ida ne’e hanesan kultura ida .ba ita tamba

Reitor Aurelio afirma liu tan, Timor oan barak mak sidauk komprende los lian Tetun no seidauk  dezenvolve. “Ita nia lingua ne’e tamba dala barak ita hare ema barak mak hakerek mos sidauk diak no lolos,”Aurerio informa.

Entretantu  Diretora Fundasaun Alola Kirsty Sword Gusmao mos hateten, tuir peskiza ne’ebe durante ne’e sira halao  iha 13 Distrtio labarik ou joven sira ne’ebe hela iha area rural  seidauk hatene los lingua ofisial Tetun no Portugues.

Preskonfrensia ne’e hetan partisipa husi Prokurador Geral  da Republik Ana Pessoa, Prezidente Tribunal Rekursu Claudio Ximenes, Presidente Partido Fretilin Francisco Guterres ‘Lu-Olo, Membru Parlamentu Nasional, PNTL, NGO Internasional  noNasional prezensa mos  Mestri/a, Dosentes no Estudante.