Dili,Timornewsline,- Deputado Natalino Dos Santos husi Komisaun A ne’ebé trata Assuntus Constitusionais, Justiça Administração Publica, Poder Local e Legislação do Governo iha uma-fukun Parlamento Nacional,hateten katak la’os governu de’it mak bele proteje labarik sira maibé principál liu mak inan-aman ou familia, tamba edukasaun familia mak bele garantia labarik sira nia moris iha futuru.
Dos Santos salienta katak governu seidauk kria lei ida atu proteje
labarik sira, maibé governu halo ona ratifikasaun ba konvensaun
internasionál ba direito labarik nian atu proteje labarik sira.
“Ita tenki proteje labarik sira tamba sira mak jerasaun foun hodi
garantia sustentabilidade dezemvolvimentu ba nasaun ida ne’e iha
future.” hateten Dos Santos.
Iha parte seluk, Sandra Tilman hato’o ninia esperansa ba governu katak
governu tenki kria lei ida rapidumente atu proteje labarik sira-nia
direito tamba labarik barak mak la hetan atensaun no sai vitima ba
violensia.
“Ha’u husu ba governu se bele buka meius atu kria atividade nune’e bele
fó liberdade ba labarik sira atu hatudu sira nia talentu ne’ebé sira
subar.” Hateten Tilman iha Liceu.
Tilman aumenta katak inan-aman ou familia mak sai fontes ba oan sira
atu bele fó atensaun no eduka nafatin oan sira atu la bele kria
violensia ba ema seluk no mós ba sira nia aan rasik iha sira-nia moris
loro-loron.by Correia
Discussion about this post