Cottonii Group Exporta Budu Tasi 50 Toneladas ba Indonézia

Dili,25/08/2023– Grupu Cottonii (Cottonii Group) hamutuk ho Governu Timor-Leste liu husi Ministeriu Agrikultura e Peskas no Parseiru Desenvolventu Market Development Facility (MDF) husi Australia Ofiasialmente halo lansamentu Budu Tasi 50 Toneladas hodi Exporta ba kompaña fabrika ida iha Indonézia.

Primeiru Sekratariu ba Dezenvolvimentu Rural Thomas Wooden Reprezenta Governu Australia hato’o orgullu boot ba Grupu Cottonii nia susesu bele exporta diretamente Budu Tasi 50 Toneladas ba Nasaun Indonézia.

“Susesu ida ne’e boot tebes.’ Laos deit ba Cattonii maibe mos ba Timor-Leste no ha’u orgullu atu dehan katak Governu Australia,Liu husi MDF, ne’ebe hola parte iha Cottonii Group nia istoria no sira nia suporta husi atinje susesu ida ne’e” Dehan Thomas Wooden iha Portu Tibar, Sesta feira (25-08-2023).

Nia akresenta, Governu Australia mos Kontinua ajuda hodi hadiak Timor-Leste nia setor privadu hodi sustenta kresimentu ekonomiku no komersiu no sira kontente atu haree grupu ne’e sai boot tan hodi atinje buat barak.

Fatin hanesan Diretor Nasional Arquikultura no Salikultura Alberto Viegas Soares hateten Estadu iha oin planu ba oin apoiu makas liutan Grupu sira nune’e atu hasa’e numeru exportasaun Budu Tasi ba rai liur.

^{Diretor Nasional Aquikutura no Salikultura Alberto Viegas Soares}

“Ami indenfika ona fatin potensial sira, hahu daudauk hahu ona mak Ataúru no iha Likisa parte Ulmera no mos iha hera ami indentifika ona atu ba futuru presiza aumenta grupu atu produsaun mos bele aumenta” katak Antonio.

Prezidente Cottonii Group Salomão Cabral tuir nia katak kada fulan sira sempre produz produz Budu Tasi toneladas 15 to’o 20.

Cottonii Group harii iha 2008 iha Atauru no total grupu ne’ebe mak produz Budu Tasi iha iha atus tolu (300) ho menbru iha rihun ida resin (1.000 ital), entretantu Budu Tasi ne’ebé durante exporta ona ba Rai liur mak hanesan nasaun Vietname, Xina no Indonézia.

Tuir dadus ne’ebe iha produtu Budu Tasi ne’ebé mak Grupu Cottonii exporta ba rai liur husi tinan 2020 to 2022 kuaze 490 ital toneladas no tinan ne’e mak foin exporta ba Indonezia 50 Toneladas.

Jornalista: Arlindo R. Nunes

Editor : Jonas