Radio, online – Timor Leste iha dia 20 de Agostu komemora Loron FALINTIL ba dala XXXVI (36). Prezidenti da Republika Demokratica de Timor Leste Jose Ramos Horta Mak sai sasin ba publika hodi hatudu gratidaun ba funu nain 236 hodi desmobiliza husi FALINTIL.
PR Ramos Horta iha nia Palestra (20/8) iha Palasu de Governu informa ba Publiko katak, Frente Armada mak sai ahi ida ne’ebe sekredu iha povo nia futar fuan.
Frenti armada mak fo moris ba Frenti diplomatika iha area libertadas, tamba perigo no todan husi luta ne’ebe mak hamoris sentimentu Nasionalista espirito, misaun no sakrifisiu sai makas liu tan.
Lian tatoli husi Nicolau Lobato katak, “ita nia Vitoria ne’e kestun tempo deit ne’ebe ita nia istoria ne’e los duni. Tamba ne’e iha serimonia ne’e Governu sei fo homenajen ba Veteranus Feto no mane hautuk 236,”Horta informa.
Horta hatutan, sira ne’e funu nai aten brani, fiar metin tamba ne’e tinan ba tinan hodi hahi ita nia funu no sira ne’e agora balun militar no sivil. Ita sei fo sasin no gratidaun ba sira, ida ne’e sai dalan ida ba militar foun iha F-FDTL.
Horta dehan nasun ne’e sei entraga ba Forsa foun F-FDTL mak sei proteze. Iha tasi laran, no rai maran iha futuru sei diak liutan.
Tuir Horta, hatudu dalan diak no hatudu dalan mos no matenek ba prioridade estratezika ba ita nia nasaun ne’e mak hari F-FDTL. Povu tenke rekoinese prioridade konsesional ne’ebe sai nudar interese nasional ne’ebe F-FDTL halo.
Iha fatin Major Genreal Taur Matan Ruak hateten, F-FDTL ne’ebe foun buat barak mak sira tenke aprende lorloron. Forsa iha foun iha F-FDTL sei fo kontribui maka’as ba ria ida ne’e. Tuir istoria FALINTIL, militar ho povu . F-FDTL sei hak raik an ba povu. Haraik ne’e save segredo ba prosesu Timor nian uluk agora no ba futuru.
Entertantu tuir observasaun, General Taur Matan Ruak intrega kilat ne’ebe kaer iha tempu funu laran. Partisipa husi serimonia ne’e delegadus Indonesia mutuk 70, familia husi veteranus husi 236 iklui feto no mane. Veternus sira ne’e maioria moris iha girileirus.
Discussion about this post