Radio, online – Governu liu husi Sekretario Estado Promosaun Igualdade (SEPI) Idelta Maria Rodrigues sente orgulu ho prezensa feto barak husi Organizasaun Popular Mulheres Timorenses (OPMT) ne’ebe forma husi FRETILIN habrani-an hodi luta durante tinan barak nian laran ba libertasuan Timor leste.
Tuir Idelta maske feto nia medaila level la hanesan ho mane, maibe tempo okupasaun feto mos kolabora hamutuk hodi luta ba rai ida ne’e. Tamba ne’e guverno merese rekuinese Feto nia papel iha tempo resistensia.
Iha oportunidade ne’e SEPI husu ba feto sira nebe’e seidauk hetan direto tenke hatutan nafatin, liu-liu feto sira agora ne’e ninia kontribusaun ba prosesu dezenvolvimentu pais ne’e nomos atende problemas feto hasoru dadaun.
Idelta informa, tempo badak SEPI sei halo asesmen ida ba desmobilizasaun atu feto sira ne’ebe uluk fo kontribusaun ba rai ida ne’e, governo rekoinese hotu. SEPI mos dala barak ona halo programa iha baze ho nune’e husu ba feto atu lalika nonok maibe hato’o nia kontribusaun, nebe’e feto maluk hatudu iha tempo prosesu libertasuan nasional.
Iha fatin hanesan Juliana Soares nebe’e hetan medalia husi desmobilizasaun senti konteti maibe nia feto maluk balun seidauk hetan no kondisaun ba sira ne’e mos sedauk diak.
Girileirus OPMT ho tinan 15 anos ne’e husu ba governu atu hari Konseilho Nasional Veteranus nian, hodi Veteranus sira bele kontrola malu.
“Ema hotu nebe’e uluk fo kontribusaun ba rai ida ne’e sira bele hetan hotu direito, “ nia apela.
Discussion about this post