Radio, online –Universidade Nasional Timor Loro sa’e (UNTL) Fakuldade Medicina e Siensias Saude fo Judisiun ba estudante nain Hitu (7). Ano escolar 2010-2011. Seremonia ne’e halao iha salaun UNTL Liseu, Sesta, (5/8/).
Dekanu UNTL Fakuldade Medicina e Siensias Saude Joao Soares Martins hateten katak, ohin halao judisium ba estudante nain 7. Mane 3 no feto 4 ne’ebe mak kompleta ona sira nia kursu iha fakuldade medisina e siensias saude nian.
Joao hatutan, seremonia ne’e hanesan formalmente akaba kursu iha medicina ne’ebe sai hanesan Doutor. Iha semana rua tan estudante nain 7 ne’e tuir graduasaun hamutuk ho finalista husi fakuldade sira seluk. Hodi halao juramentu ofisialmente hanesan Doutor.
Ajonte Amaral estudante ne’ebe simu judisium, nia sente kontente tebes ho sakrifisiu ne’ebe nia hetan hafoin tinan 6 nia laran iha Cuba husik hela inan aman no familia tomak ba intereses nasaun ne’e nian.
“Ami bele sai pesoal parteiras no pesoal saude tamba ne’e nia rasik sei pronto banhira governu liu husi Ministeriu Saude haruka servisu iha fatin ne’ebe deit. Matenek ne’ebe hetan iha Cuba sei aplika iha nasaun ne’e hodi nune’e dezenvolve liliu ba area saude nian,”nia komenta.
Discussion about this post