Radio, online – Sosiedade Sivil Fundasaun Haburas ne’ebe tau matan ba iha area meiu ambiente husu governu hodi tau matan ba estragus grave hasoru natureza no meiu-ambiente iha Parke Nasional Nino Konis Santana, Iha distritu Lautem. estragus ne’e aveita husi instalasaun lina trasmisaun eletrisidade husi kompanha Delta Dini.
Informasaun ne’e hato’o husi programa Manager Fundasaun Haburas Virgilio da Silva Guterres ba jornalista liu husi konferensia da empresa iha Farol, Dili Sesta, (5/8).
Husi hahalok estraga ambiente nasaun ne’e tenki responsabilidade ba aktividade eletrisidade husi kompanha refere. Tanba estraga nasaun ho ema barak nia moris. Tuir ambiental parke nasional Nino Konis Santana hanesan pulmaun (paru-paru red) ba nasaun lafaek ne’e.
Virgilio hatutan, hahalok kompanhia tesi ai no hamate ai ne’e la bazea ba planu dezenvolimento. Laliu husi analiza impaktu sosio-ambiental. Hodi evita konsekuensia aban bai rua a’at liu tan ai hun bo’ot no ai horis barak nebe’e kompanhia tesi no hamate iha area nebe bazika mental. Tuir geografia iha area tasi ibun Valu iha Tutuala seidauk iha habitasaun ou populasaun.
“Ita la presiza dada ring eletrisidade ba area ne’ebe laiha povu hela ba, tanba fo nia konsekuensia bo’ot ba ambiente. Ita kampanha povu ki’ik labale tesi aim mais piot kompanha sira mak ba tesi fali,”nia Lamenta eis diretor TVTL ne’e.
Kompanha tesi ai ne’e husi husi Lospalos tama ba Tutuala. Tuir Haburas nia ekipa iha observasaun nota katak, ai horis barak mak hetan tesi arbiru deit ho nia luan 5 metru ba leten no tipo akotese ne’e mos iha suku Lore I no lore II.
“Ai bobot kompanha tesi husik latan hela deit no hanehan ai aik ki’ik barak tamba ida ne’e potensia bo’ot hodi hamenus biodiversiadade iha fatin refere,” Virgilio la satisfas.
Fatin tesi ai ba ne’e, iha 2008 governu liu husi Primeiru Ministru Kay Rala Xanana Gusmao deklara nudar Parke Nasional Nino Konis Santana. Ho asaun ba responsabilidade ne’e Fundasaun Haburas husu ba Primeiro Ministru no ministerio kompetente atu atu hapara kompanha ne’ebe tesi ai ne’e.
Liu husi oportunidade ne’e Haburas husu ba komunidede sira iha distritu Lautem Haburas laos atu impede dezenvolimentu no plano governu, maibe serbisu ne’e laos tenke sakrivisu ai bo’ot no ai kiik sira. Hahalok tesi ai kontra prinsipio konservasaun Pisikolojiaka liliu iha Parke Nasional Nino Konis Santana.
Hatan ba lamentasaun Fundasaun Haburas, Diretor Nasional Meiu- ambiente Egidio Guimaraens iha nia servisu fatin Fomentu hateten, govenru mos rekoinese katak tesi ai ne’e fo impaktu duni, maibe governu rasik la iha direito atu hapara kompahna nia servsisu. Governu bele minimiza deit. Grupo trabalho mos badala barak rejolve problema tesi ai.
Tuir Egidio governu teke hola klaran atu programa sira ne’e lao hotu tanba intereses ba prosesu dezenvolimentu nasaun ne’e lao ho diak. “Tesi ai ida ne’e viola duni meiu- ambente ami sei tau matan ba parte ne’eba hamutu ho Floresta atu bele hadia fila fali estragus,”nia konfesa.
Discussion about this post