Radio, online – Estudante UNTL husi Fakuldade Injenaria Departamentu Elektrotekniko Domingus Leonardo Guterres husu ba kompanha Timor Telecom (TT) wainhira atu hari uma internet 100 ne’ebe sei kobre TL tomak presiza redus folin internet, tanba povu iha distritu ekonomia sei fraku.
TT atu hari uma internet 100 iha teristoriu ne’e wainhira halo akordu ho Sekertariu Estadu Formasaun Profesional Empregu (SEFOPE).
Domingos fo apresia tebes ba esforsu TT ho SEFOPE hodi fasilita estudante sira atu asesu internet. “TT atu loke internet iha distrutu ne’e hanoin ida ke diak liu no sai prioridades povu iha nasaun ne’e,”nia apresia.
Estudante ne’e mos husu ba TT ho SEFOPE atu hare ba kestaun folin, presiza redus internet nia folin. Tanba TT hanesan kompanha mak kleur ona iha TL. Alende ne’e mos presiza kapasita atu povo sira mos bele iha koinesimento kona ba asesu internet. Tanba iha internet ne’e mos iha buat at mos barak.
“Ida ne’e importate tebes ba estudante ho komuniade sira distritu hodi asesu diak ba prosesu dezenvolvimentu iha nasaun ne’e nomos iha internasional,” dehan Domingos.
Benia Viegas husi fakuldade komunikasaun sosial sente haksolok ho TT nia planu hodi hari uma internet 100 iha nasaun ne’e, liliu fo atensau ba iha Distritu. Benia sadik TT tenki realiza antes tinan ne’e remata tanba lei liberasaun komunikasaun fo dalan ba kompanha komunikasaun hanesan Digicel ho Telkomsel mos kompete iha nasaun ne’e.
“Hau husu laos deit hari uma internet nian, maibe mos hatun nia folin nomos durasaun ba telefone. Hanesan dollar 1 ita bele koalia 15 minutus,”Benia husu.
Reprezentante povo iha uma fukun Parlamento Nasional Deputado Fancisco Branco hateten programa hari internet ida ne’e diak tebes, tamba TL iha ona mundo globalizasaun.
“Ita hein katak programa ne’e TT bele implementa entaun estudante no povu hotu –hotu bele asesu notisias no hatene mudansa globalizasaun TL no rai liur,” dehan Branco
Discussion about this post