Radio, online – Iha militante mak registu hamutuk 155,000 sei tuir eleisaun direita hodi vota ba Sekertario Geral no Prezidenti Partido Fretilin iha 20 de Agostu mai hanesan pakote uniku.
Informasaun ne’e fo sai husi Sekertario Geral Mari Alkatiri liu husi konferensia ne’ebe halao iha sala reuniaun sede Comite Central FRETILIN Comoro Dili, kinta (4/ 8).
Mari hatutan, eleisaun direita atu hametin FRETILIN no Hametin Demokrasia iha Timor Leste hanesan forma mentalidade lideransa partidu nia.
“Ita nia militantes registu mak ita hotu hatene ona, iha eleisaun mai balu mak la registu mos sei mai hotu, ne’e hatudu katak povu ne’e hamutuk hela nafatin ho Fretilin,”nia komenta.
Iha sorin seluk Prezidente Partidu FRETILIN Fransisco Guterres Lu-olo hatutan, eleisaun direita ne’e atu hametin demokrasia hodi fortifika liu tan Partidu FRETILIN.
Tuir Lu-olo see numeru militantes sira mak registu nafatin, hein katak iha eleisaun 2012 Fretilin manan absoluta, dala hodi lidera fali governu husi periodu 2012-2017.
“Eleisaun dereita 20 de Agostu ne’e hanesan sasukat Fretilin nia hodi kompete iha eleisaun 2012,”nia konfesa.
Entretantu Prezidenti Partidu FRETILIN mos hatete, estadu atu halo dezmobilizasaun ba Veteranu sira, hanesan sinal ida husi estadu atu rekoinesae veteranus.
Discussion about this post