Radio, online – Sekertario Estadu Aqua Urbanizasaun Januario Pereira nia uma iha Suku Daudere, Sub-Distritu Lautem -Moro, Distritu Lautem ahin han mutuk. Insidente tristeza ne’e mosu iha loron Tersa, (2/8) dader mazumenus oras tuku 8:45 otl.
“Hau nia uma fatuk mutin bo’ot ida mak ahi han. Uma hau hari iha 1999, remata lolos iha 2004. Sasan sira iha uma laran la iha ida mak salva, ahi han hotu,”konfesa Januario ba radioliberdade online liu husi via telefone (2/3).
Januario hatutan, iha momentu ahi han namas uma, familia sira telefone kedas ba SEAU konaba insidente ne’e. Konaba motivu ahi han uma ne’e SEAU seidauk fo informasaun klaru, tanba tuir SEAU agora dadaun polisia Distritu Lautem halo hela investigasaun.
“Hau rona informasaun ne’e hau labele ba agora tanba hau sei iha aprezentasaun konaba programa no dezafiu konaba eletrisidade nian iha Centro Convensoen Dili,” dehan Januario
SEAU ne’e esplika liutan iha uma laran labarik ho SEAU nia Mae mak iha. Isidente ne’e la rezulta ema ida mak kanek.
“Hau nia mae mak tanis hela deit. hau nia mae ne’e ferik ona,” Januario informa ho neon tristi.
Hodi hare ho matan SEAU aban, (03/8) sei aranka ba hare uma mutuk ne’e, nomos husu informasaun lolos konaba kauza husi ahi han uma ne’e.
Tuir fontes husi Polisia investigasaun Distritu Lautem mak lakoi temi nia naran hatete, motivu husi ahi han uma ne’e mai husi solar panel (tenaga-surya-red) monta iha uma leten mak raventa. Hosi kauza ne’e hamosu sirkuiti hodi han plafon sira to’o uma ne’e mutuk.
“Uma mutin bo’ot ne’e ahin han hotu, sasan barak mak ahi han,”nia esklarese. {nice1}
Discussion about this post