Radio, online – Nasaun Australia sai doadores bo’ot mai Timor Leste, ho ida ne’e governu povu Kanguru ne’e ajuda tan hari laboratoriu diaknostiku veterania mai Timor Leste. Projetu ne’e ho valor orsamentu kuaze AUS$ 5,7 miliaun, projetu han tempu iha fulan hat nia laran.
Laboratoriu importante ne’e hari iha Kaikoli, hetan inagurasaun direita husi Prezidenti Republika Jose Ramos Horta ho Emabassador Australia mai TL Miles Armitage Tersa, (2/8).
Iha Armitage nia diskurusu hateten, projeto hari laboratoriu ne’e kolabora entre Ministeriu Agrikultura e Peskas ho Organizasaun mundial aihan no Agrikultura no USAID. Objetivo husi projeto ne’e mak atu ajuda Timor leste hodi bele prevene no kontrola moras infesaun ne’ebe mosu ba animal no aihoris sira.
Armitage hatutan, setor pekuaria ne’e importante tebes ba TL tamba Iha TL kuaze pursentu 80% kada uma kain iha nasaun ne’e haki’ak animal. Tamba ne’e governu nia plano estrateziaku fo tarzetu hasae’e kriasaun animal to’o to’o pursentu 20%. Tinan 2020 ida ne’e sei fo benefisiu bo’ot iha iha parte seguransa aihan no saude ba nasaun no mos iha potensia bo’o hodi halo exportasaun.
Prevensaun no kontrola ba moras infesaun importante tebes ba produsaun animal. Projetu biosecurity ne’e hahu nudar medidas atu hasoru ameasa gripi manu nian, maibe iha mos moras gripi seluk ne’ebe iha potensia ameasa animal sira ne’ebe iha ne’e hanesan newcastel disease and classic swine fever. Kazu gipi animal barak ona mak mosu iha TL.
Projetu ida ne’e ajuda ona governu TL hodi hari sistema hasae konsensia publiku, vizilandia no monitorizasaun.
Laboratiru laos uza deit ba kontrola moras animal nian. Maibe bele uza mos hodi kombate moras ba aihoris sira, quarantina, ajuda ba preiense rekerimentus ba sertifikadu sanitary e phytosanitary hodi fasilita exportasaun produtus Timor nian.
“Hau hein katak laboratoriu ne’e sei utiliza didiak hodi atende ba animal no aihoris iha nasaun ne’e hodi defende natureza,”nia komenta.
Sekertario Estado Pekuaria Valentino Varela hateten, laboratoriu ne’e bo’ot ba diresaun veterenaria tamba bele sai treinamento ba diresaun, wainhira halo analija iha baze. Uitliza laboratoriu sai hanesan sentru treinamentu ba estudante veterania medisina husi UNTL.
“Hau fo obrigadu ba governu Australia iha vontade diak hodi ajuda fatin ne’e sai hanesan prevensaun ba futuru liliu animal no aihan sira,”nia hatete ho aprensia.
Discussion about this post