Radio, online – Ministru Edukasaun Joao Cancio Freitas depois antentadu 11 de Fevereiru 2007 tanba kondisaun la permiti hodi utiliza orsamentu estadu ho total $1,400.00 hodi loke tan kuartu, iha ninia uma ba eskoltu sira.
Tuir Advogadus Fundasaun Lialos (AFL) Angelica de Sousa liu husi konferensia iha Metiaut, Dili Kuarta (20/7).
Angelica hatutan, Ministru Joao Cancio uza osan estadu nian ba nia privadu, hanesan hasai osan estadu nian ba hadi nia uma no loke tan kuartu. Uza telefone fixu estadu ba nia uma no lori Air Conditioner (AC) ba monta iha nia uma, iha Becusse, Dili.
Dokumentus ho numeru referensia aprovadu pela alfa 18/02/2009 konaba hadia uma no lori AC inklui recibo pagamentu husi Timor Telecom orijinal. Iha nepotizmu Ministru Joao Cancio haruka nia kaben ba husu pagamentu konaba hadia uma privadu iha Becusse.
Informasaun hirak ne’e Angelica rekoila dokumentus iha dia 10/7/2011, ne’ebe alega katak, orsamentu estadu nian ne’ebe aloka ba Ministeriu Edukasaun ba intereses nasional, Ministru Joao Cancio uza sala hodi ba nia partikular.
“Laos ne’e deit Ministru Joao Cancio mos uza mina estadu nian ne’ebe uza ba kareta estadu nian maibe lori fali ba ense jerador privadu no kareta privadu. Mina hirak ne’e Ministru Joao Cancio uza em nome jerador ME ne’ebe uza gazoel, maibe jerador ME nian at hela. Ministru Joao Cancio uza ain liman ho naran Gilberto Alamso Sousa mak ba foti.
Kada semana 50 litrus X 4. Fulan 1 200 litrus,”dehan Advogadu ne’e.
Mina ilegal ne’e Ministru Joao Cancio uza desde fulan Setembru 2008 ate 17 Novembru 2008.
Advogadu Fundasaun Lialos mos ei iha dokumentus barak konaba Ministru Joao Cancio nia abuzu poder. Advogadu Fundasaun Lialos disidi sei lori ba tribunal hodi Ministru Joao Cancio responsabilidade ba nia hahalok ne’e.
Hatan ba alegasaun husi Advogadu Fundasaun Lialos ne’e Ministru Edukasaun Joao Cancio Freitas hatete, loz duni iha 2007, depois atentadu 11 Fevereiru nia uza orsamentu povu ho montante $ 1.400,00 hodi loke kuartu ba nia eskoltu sira no uza osan ne’e hodi sosa kama no kulsaun.
“Hau nia uma antes ba Ministru iha tiha ona, maibe tanba eskoltu nain 4, hau lakoi sira toba iha rai ne’e mak hau foti osan hodi halo kuartu,”Ministru Joao Cancio konfesa.
Ministru Joao Cancio informa liutan, iha momentu neba ba mos atu hadiak servisu loke mos sala servisu Ministru Joao Cancio iha nia uma rasik, uza telefone fixu estadu nian no internet. Tanba uma ba ministru ofisial nian laiha.
“Loke kuartu ne’e tanba hau nia bensimentu la to’o. ho nune’e hau uza osan estadu nian mak loke kuartu iha hau nia uma ba eskoltu sira, iha tempu neba,”dehan Ministru Joao Cancio.
Kazu ne’e Inspektor Geral do Estadu mak atende ona iha 2009. Ne’ebe hetan keisa husi eis xefi aprozionamentu Augusto Pereira. “Atu kesar ona ba tribunal hau prontu nafatin. See tribunal bolu, klaru hau prontu hodi ba hatan alegasoiens hirak ne’e. Asuntu ne’e ki’ik liu,”Joao Cancio hatete ho fiar an.
Discussion about this post