Radio, online – Fatin treinamentu ne’e sei fasilita hodi hari’i kapasitasaun ba funsionariu publiku sira atu nune’e bele hetan matenek no konesementu diak liutan hodi halao servisu ho professional.
Lia hirak ne’e hatoo husi Xefe Programa Assistensia Governu Australia iha Timor Leste, Vincent Ashcroft, iha seremonia inagura no integra sentru treinamentu ne’ebe rahabilita husi Ajensia Governu Australia iha Timor Leste AusAID, ho programa hasae kapasidade seitor publiku, ba INAP.
Governu Autralia mos apoiu treinamentu ba treinadores Timor Oan 65 liu, husi kursu IV Certifikadu no Asesmentu. Sira ne’e nudar treinador kualifikadu no prontu ona atu halao programa treinamentu no transfere sira nia matenek no konesementu ba funsionariu publiku sira hotu iha Ministeriu ida-idak ne’ebe sira servi ba.
Hatutan Ashcroft, Governu Australia fo apoiu ba instituisaun INAP durante tinan lima ona, iha area kapasitasaun rekursu umanu nian, no INAP halo ona treinamentu ba (produs) funsionariu publiku nain 800 resin konaba konesementu jestaun no administrasaun baziku.
Komitmentu Australia kontinua suporta INAP hodi halao sira nia mandatu treinamentu, inklui stabelese fundus kapital dezemvolvimentu umanu (rekursu umanu), hanesan tinan-tinan oferese bolsu estudu ho naran Australia Development Scholarship (ADS) liu husi programa PSCPD, ne’ebe nia numeru ba ema nain 35 iha tinan ne’e.
Alende apiu iha seitor rekursu umanu, Governu Australia mos tinan-tinan apoiu orsamentu liu milaun $ 100 ((Dolares Australiano), hodi dezemvolvimentu Timor Leste.
Iha fatin hanesan, Ministru Estatal no Ordenamentu, Arcanjo Leite hateten, estadu liu husi Governu, buka no halo koperasaun ho parseiru dezemvolvimentu hodi apio INAP atu halao nia programa kapasitasaun bele diak liutan iha future, tanba ne’e.
Leite husu funsionariu hotu iha INAP atu utiliza didiak fasilidade hirak ne’ebe Governu Australia fo hanesan, Projektor 1, Laptop 1, Printer 1, Power 1. Atividade no programa hasae kapasidade funsionariu publiku.
Ba future Ministeriu STATAL sei halao ko’operasaun ho INAP husi Portugal, no instituisaun sira seluk ne’ebe mak servisu ba iha area kapasitasaun rekursu umanu, atu nune’e bele fasilita no dezemvolve ita nia rekursu umanu sai diak liutan iha future mai.
Discussion about this post