Radio, online – Exersisiu Cobra Gerilha ne’ebe halao iha F-FDTL, hodi treina organizasaun, planeamentu no kontrolu militar iha situasaun funu gerilha kontra gerilha ne’ebe mosu karik iha futuru hodi fo responde. Exersisiu ne’e mos hanesan hametin nasionalizmu iha fosa F-FDTL.
Abertura exersisiu Cobra Gerilha ne’e halao iha Suku Waimori Sub-Distritu Vemasse, Distritu Baucau iha Tersa, (12/7).
Tuir Vise Chefe Estado Maior General Forsas Armadas F-FDTL Brigadeiru General, Lere Anan Timor hateten, exersisiu ida ne’e espesial ba F-FDTL, tamba halo tuir gerileirus sira halo funu durante 24 anos.
Exersisiu gerilha Cobra ne’e durante semana rua. Iha soldadu 300, kompostu husi unidade komponente Naval fuzileiru, komponente trestre no komponente apoiu servisu.
Exersisiu ida ne’e atu hatutan funu sira nia estratejia durante 24 anos iha ahi laran no exersisiu ida ne’e eziste ba soldadu ididak, hodi disiplina ho responsablidade.
Brigadeiru General Lere Anan Timur esplika Liu tan katak ita sai forsa konvensional ida tenki aprende lalaok husi ita nia Gerileirus sira nia” Tenki hatene aguenta hamlaha loron ida toma-tomak, toba iha kualker fatin iha be laran, iha du’ut laran” hatetn Lere Anan Timur, iha exersisiu ne’e forsa sira fahe ba Grupo Rua (2) ida sai Grupo Konvensional no ida sai Grupo gerilha.
Iha hatin hanesan Brigadeiru Jeneral Lere Anan Timur hatutan katak exersisiu ida atu hanorin Militares foin sae kona ba Procedimentus taktiku no teknika de gerilha ne’ebe aplika.
Tuir Komadante Operasional Taktiku Maijor Domingos Santos dehan, tempo to ona F-FDTL sira halao treino mesak tamba durante F-FDTL sira halo treina akompnha husi Asesor sira husi Australia, Portugal, Amerika, No Malaizia.
Ba oin Forsas Armadas F-FDTL sira rasik mak halao Treina kona Exersisiu Cobra ne’e. Exersisiu ne’e halo atu hasoru adapta situasaun realidade ida. “ Exersisiu ne’e tama iha Areia Baucau Manatuto, No Viqueque.
Discussion about this post