Radio, online – Proklamador RDTL Francisco Xavier do Amaral ne’ebe halo tratamentu saude iha Singapura fila hikas ona mai TL. Avo Xavier iha kondisaun diak hodi halao aktividades partido ASDT preparasaun ba elisaun 2012.
“Hau fila mai ne’e, tamba hau nia moras diak ona. Hau sei halo serbisu partido nian fali,’’ dehan Avo Xavier ba jornalista sira iha Aeroportu Internasional Nicolau Lobato Tersa, (12/7).
Ho prezensa Avo Xavir hatudu katak ninia saude rekoera fila ona .Kauze militantes atus resin mak ba simu avo Xavier hodi hakilar viva……….Avo………Xavier ,viva ASDT.
Fundador partido ASDT durante halao tratamentu saude uza osan estadu nian.
Durante dala tolu ona Avo Xavier halo check up iha ospital Singapura.
Avo Xavier hektuir, “hau nia saude diak ona, tamba ne’e mak dotor sira fo ona lisensa fila mai Timor. Hau esforsu nafatin halao aktividade partido hodi kompete iha elisaun 2012.
Sekertariu jeral ASDT Joao Corea ne’ebe akompaha Avo Xavier hatete, prezidenti ASDT nia saude iha progresu pozitivu, durante halao tratamentu saude.
Tuir Sekertairu jeral ne’e, Avo Xavier fulan hat mai sei fila fali ba singapura hodi kontinua Check up. Esperansa ba oin Avo Xafi nia moras sai kompleto diak.
Iha okaziaun ne’e Sekjer ASDT konfesa ba publiku iha ASDT nia laran la koinese ema ida ho naran Gil Alves .
“Gil Alves, ami hasai iha 2007 husi nia kargo no nia laos ona militants partido ASDT. Ami la rekoinese Gil Alves atu halo kongresu ASDT nian,”Coreia komenta
Discussion about this post