Radio, online – Futuru Timor Leste hanesan nasaun foun ne’ebe foin ukun-an. Nasaun ne’e iha joven no estudante sira nia liman. Lia hirak ne’e hatoo husi Ministra Finansa Emilia Pires, iha konferensia konaba atitude, koinesementu no abilidade, ne’ebe organiza husi Universidade nasional Timor Lorosa’e(UNTL) ho Universidade Vitoria, Melbourne, Australia, iha Dili Convensaun Centre (DCC), foin lalais ne’e.
Tuir Ministra Finansas, atetude koinesementu no abilidade professional mak hanesan baze no pilares importante ba jovem no estudade hodi dezenvolve no alkansa objetivu mehi ne’ebe nasaun ne’e iha futuru.
Hatutan Pires, prosesu atu aumenta koinesementu iha fase rua, ida aprende iha eskola, no ida seluk aprenda husi ambiente ka sosiedade. Valores kultura ne’ebe, hafoin transforma hamutuk sai hanesan abilidade, hodi dezenvolve nia an.
Emilia husu ba jovem no estudade sira labele baruk no lakon oportunidade hodi buka hatene no aprende skill professional no aumenta esperensia. Governu mos iha politika no programa hodi fo apoiu, tanba vantajem bo’ot ba futuru.
Ministra Finasas haktuir, durante tinan 10 Timor Leste ukun aan, iha ona esperensia hari’i nasaun, “Iha 2011 ita lakohi ona konflito, no hakarak mak paz no stabilidade, tanba ne’e presiza abilidade hodi dezenvolve nasaun,”Emilia akresenta.
Emilia fo sai, atitude pozitivu no fiar aan, povu Timor Leste iha ona, tanba hatudu ona iha luta ba ukun rasik-an. Iha tempu ukun ne’e, maske iha ema matenek ho esperensia barak maibe atetude negativu, ne’e hanesan obstaklu atu hakat ba oin.
Discussion about this post