Radio, online – Prezidenti da Republika Timor Leste, Taur Matan Ruak, lansa livru ida ho titlu “Moris Ba Ukun Rasik-An”. Iha livru ne’e hakerek konaba memoria funu nia ne’ebe fila Independensia sai posivel.
“Ita nia memoria tenke hakerek hela hodi jerasaun foun hatene istoria iha ninian rain rasik,”dehan PR Taur iha lansamentu ne’ebe halao iha Sentru Konvensaun Dili, Kinta, (30/8).
PR Taur hatutan, livru ne’e hakerek tamba determinasaun no antuziazmu husi Angela Carrascalao la ho ninia Insistensia no empenamentu.
Taur dehan, bainhira Angela Carrascalao fo hatene hau konaba ideia ida ne’e, hau tetu no hanoin kleur ikus mai hau simu tamba konsidera katak, dever ida ita hotu nia atu husik hela ba jerasaun foun sira, hodi rezistu konaba ita nia istoria ne’ebe ita moris no ita rasik partisipa,’dehan PR Taur.
“Ita memoria tenke hakerek hela, tenke rezista hela para ita nia oan sira hatene historia nia-nian rain rasik,”Eis General ne’e esplika.
Taur sente nesesidade tebes hodi lansa livru ne’e atu prepara historia Timor Leste nian. Liu husi livru ne’e bele garante jerasaun foun mai hodi tahene klean abut independesai nasional, no husi konhesimentu ida ne’e hametin unidade nasional.
Taur dehan, iha livru ne’e sai hanesan homenajen ida ba maluk sira ne’ebe husik hela Timor, no la hola parte iha komemora loron 30 de Agustu.
Livru ne’e hanesan testamoina husi ema ida ne’ebe moris iha funu laran no agora dadaun moris iha paz nia laran. La bele koalia buat hotu ne’ebe hare no moris ba, mais koaloa konaba akontesimentu no fatus hotu ne’ebe hare relevante.
Ikus liu PR Taur dehan, tempu to’o ona ona atu fo sai ba ema hotu, oinsa funu nia lalaok ses an husi hanoin, dehan buat hotu los deit. Iha mos sala, iha ema barak sai kombatentes.
“Ita nia istoria ke importante tebes ba memoria ita hotu nian, no liu liu ba sosiedade no jerasun foun sira,”dehan Taur hodi taka.
Discussion about this post