Radio, online – Serviso Alfandega, liu husi Kostum ne’ebe durante ne’e hala’o servisu iha Aeroportu Internasional Prezidente Nicolao Lobato Komoro, Tersa (28/08) prende Pistola brinkerius ida husi sidadaun Franseza ho naran Anton Valenza.
“Pistola ne’e foin ita hetan iha Aeroportu. Sira husi Kostum detein wainhira halo apresaun ba iha sidadaun ida husi Nasaun franseza nian Señor Anton Valenza no nia Pistola hotu kedas,” Komandante servisu investigasaun (SIK), Superintedente Calistro Gonzaga ba Jornalista sira iha ninia servisu fatin, Kuartel Jeral polisia Nasional Timor leste, Caicoli, Tersa (28/08).
Nia dehan, Sidadaun ne’e atu halo viagem ba Darwin (Australia) ho Aviaun Australia ninian. Tuir Calistro Katak Pistola ne’e prende hare hanesan Pistola halimar ninian, maibe bele hamate ema, wainhira troka ninia bala no uja fali besi.
“Pistola ne’e enkuantu ita tau bala ki’ik oan mutin exemplu hanesan rolamentu, bele hamate ema tanba uja Gas ho Ahi.” Calistro Gonjaga haktuir
Calistro informa, Pistola ne’e Anton lori atu sai hanesan Sample ida liu husi Air North Australia, hodi buka Pistola ho marka ne’ebe hanesan tanba hameno husi kolega Timor oan ida iha Timor.
“Ida ne’e mak ohin ita halo asitasaun ba nia agora nia iha li’ur hela. Ohin ne’e mos hau kansela ninia travel ba Australiaatu bele submete provijori nune’e bele foti desizaun ba ka lae. Evidensia ne’e ita hetan iha ninia pasta laran.” Komandante SIK afirma.
Calistro hatutan, sasan sira ne’ebe lori husi Sidadaun Franseza ne’e identifika hotu ona no bele submete ba iha prosesu investigasaun. Pistola ne’e marka P99Dau subar iha Pasta laran bainhira makin iha Aeroportu detekta.
“Pistola ne’e besi hotu kedas it abele hanoin katak ida pistol brinqueiros (halimar). Pistola ne’e ninia forsa to’o iha 50 metru.” Nia tenik
Komandante SIK mos informa Sidadaun Franseza ne’e iha ninia viagem tama husi Indonezia liu husi Area Frontera Batugade iha loron 2 Agostu no iha loron 28 atu halo viagem liu husi Aeroportu ba iha Australia hodi buka pistola ne’e ho marka hanesan iha Timor Leste.
Maski nune’e nia informa SIK mos identifika ona Sidadaun Timor leste ne’ebe halo kontaktu ho Sidadaun Franseza hodi lori Pistola mai iha Timor Leste ne’e, maibé prosesu maka bele identifika Sidadaun ne’ebé iha.
Discussion about this post