Radio,online – Major General Falintil-Forsa Defeza Timor –Leste (F-FDTL), Lere Anan Timor husu ba estadu atu sosa helikoptru hodi nune’e bele kontrola riku soin iha tasi laran nomos fo seguransa diak husi eksterna.
Lere kasu lia hirak ne’e ba jornalista iha Palacio da Prezidensial wainhira remata hasoru malu ho Prezidenti da Republika, Taur Matan Ruak, Kuarta, (22/8).
“Ita nia rai maran la loan, maibe ita nia tasi loan tebes. Ita nia forsa presiza ro’o nomos helikoptru. Tamba ne’e, hau husu ba V governo konstitusional atu halo planu ba kestaun ne’e. Ita lao presiza planu, ita tenke aranja uluk saida mak ita aranja ikus,” Dehan Lere.
Lere mos husu ba estadu liu husi Komandante Supremu atu atende ba forsa armadas sira, liliu mos ba aihan. Tuir Lere kuandu ema bosu ne’e kontente hotu, maibe kunadu hamlaha ne’e sente trist.
Lere husu ba governu ne’e tenke prekupa vida instituasaun ninian. Wainhira situasaun forsa ninia atu atu sosa kainau morteiru tanke da guera tenki hare uluk kondisoins.
Konaba rekursu, Lere dehan sufisiete. Ba oin presija ninia kapasitasaun ninia preprasaun buat hotu maibe ninia kondisaun iha, ne’e diak ona.
General fitun rua ne’e mos husu ba governu atu tau matan ba familia matebian forsa armadas ne’ebe ema deskoinesidu tuda mate iha Kintak Bo’ot foin dadauk ne’e.
“Ita nia estadu tenki tau matan ba forsa ne’ebe mate iha ema sivil nia liman,Lere apela.
“Hau nudar komandante hau sempre kolia fo hanoin ho instituasaun kompetente atu tau matan nafatin ba ita nia feto faluk nia oan sira, tamba membro ne’e mate ne’e mos feto faluk oan kiak nia oan mak mate,”Lere komenta.
Discussion about this post