Radio, online – Enkontru Preimeiru Sekertaria Estadu ba Promosaun Igualdade (SEPI) V Governu Konstitusional ho membro Rede Feto hodi kolia konaba problemas no dezafius sira ne’ebe mak durante ne’e hasoru.
Enkontru ne’e halao iha salaun Fundasaun Alola Sesta, (24/8) Mascarenhas, Dili.
Prezidente Board Rede Feto, Ivete de Oliveira hateten, sira prontu atu reforsa SEPI, sai liman no ain hodi hatutan SEPI nia programa no esperansa iha sosiadade.
Ivete hatutan, Rede Feto senti kontente bele halao enkontru ho SEPI ho nune’e bele hato’o prekupasaun, hanoin no espransa ba servisu saida mak bele halo hamutuk hodi hatutan lian no habelar informasaun e reforsa feto maluk sira, joven feto, labarik feto no inan feto sira ne’ebe hela iha sidade no iha area rural.
Iha fatin hanesan Sekertaria Estadu ba Promosaun Igualdade, Idelta Maria Rodrigues dehan, durante hasoru malu ne’e sira sei kolia liu konaba oinsa sira bele hare hamutuk saida mak sira halo no frakeza sira ne’ebe organizasaun Rede Feto infrenta iha IV Governu konstutuisional. Iha V Governu konstituisional nia espera problemas sira ne’e tau hamutuk hodi nune bele buka solusaun hodi hadia relasaun trabalho diak liu tan.
“Feto Timor iha espekativa bo’ot ba iha V Governu atu hadia situasaun feto Timor diak liu kompara ho IV Governu. Ita nia espekativa laos dehan iha nivel nasional deit mais to’o iha area rurais no remotas ita hakarak hadia situasaun no kondisaun feto Timor atu nune ita bele hadia diak liu tan ita nia servisu sira iha area igualidade,”dehan Idelta
Idelta afirma liu tan katak, feto TL tenki hamutuk e iha unidade no tenkiser hamutuk mak feto nia lian forsa sekuandu feto nia lian sorin deit entaun feto nia lian sei namlele hela sekuandu feto TL hamutuk lian sei forsa no sei hetan rekuinesementu e iha valorizasaun diak liu sosiedade.
Discussion about this post