Prezidente Exercicio Aportil Leandro Sena hateten, aproveita loron Aportil nian ami organiza atividade prinsipál rua mak hanesan kuda ai- oan hodi halo matak rai, tanba kuaze ita haree katak ai oan barak mak la iha nune’e bele provoka erosaun makas, no seluk mak halo atividade doasaun ran hodi ajuda maluk ne’ebé moras iha ospital, husi atividade sira ne’e Aportil organiza hodi komemora ezistensia Aportil ne’ebé sei realiza iha loron 10 fulan April, Nia Tenik ba jornalita iha fatin Aportil, bainhira remata doasaun ran, Terça Feira 25/03.
“Ami la kontribui buat boot ruma ba nasaun no estadu ida ne’e, maibé ami koko ho saida mak ami bele kontribui, tanba ne’e espera liuhusi atividade kiko’an ne’ebé ohin ami halo ne’e bele tulun no ajuda ita-nia nasaun liuliu iha parte balu hanesan saúde nian ne’ebé iha difikuldade ba ran hodi atende ba pasiente sira, tanba ne’e ha’u hanoin no fiar katak ho doasaun ran ne’ebé funsinariu sira oferese bele tulun no salva pasiente sira-nia vida”
Leandro esplika tan, husi doasaun ran ne’ebé Aportil IP aproveita iha loron selebrasaun aniversariu ba dala 22 ne’e bele kontribui netik, tanba ne’e Aportil IP organiza funcionariu tomak liuliu sira ne’ebé senti kondisaun di’ak hodi bele halo doasaun ran, no funsinariu hamutuk na’in 25 mak oferese aan hodi halo doasaun ran.
Iha fatin hanesan Interina Departamento Banco Sangue Dra. Maria do Rosario Aleixo argumenta ohin parte saúde apoiu atividade selebrasaun Aportil IP nian, liuliu haree ba iha atividade doasaun ran, tanba ne’e husi Hospital Nasional Guido Valdares liuhusi Departamento Banco de Sangue mai partisipa, tanba ne’e husi atividade refere sei iha kriteira ne’ebé iha, nune’e funsinariu hirak ne’ebé sira prense ona kriteira mak bele hasai ran hodi apoiu ba pasiente ne’ebé presiza ran, tanba dadaun ne’e moras barak mak presiza tebes ran iha HNGV.
“Ami iha kriteira ne’ebé presiza halo mak hanesan, ema ne’e bele duni hasai ran kalae, liuliu ita haree ba nia kondisaun fisiku no saúde ne’ebé di’ak no la iha moras ruma ne’ebé nia enfrenta inklui mós la konsumu aimoruk anti- biotik ruma, iha kriteira seluk mak ema ne’e presiza deskansa barak iha oras ualu nia laran”.
Nia mós agradese tebes ba Aportil tanba liuhusi biban ne’e parte banco de sangue bele foti ran nune’e bele salva pasiente no ema barak nia moris, Hakotu nia Esplikasaun.
Jornalista : Maria de Rosa
Discussion about this post