Radio, online – Organizasaun Nasoens Unidas (ONU), liu husi Sekretairu Geral Ban Ki Moon dehan, ONU apoiu total atu loke justisa ba prosesa arguido sira ne’ebe mak uluk involve no organiza krimi seriu iha tinan 1999.
“Autor ba krimi umanidade ne’e seriu tebes, iha TL sei lori ba justisa, konta hamutuk ho ONU nia apoiu momentu ida sei to’o,”dehan Ban Ki Moon iha konferensia da empresa Kuarta, (15/8) iha Palacio Prezidensial, Aitarak Laran, Dili.
Ban Ki Moon rasik deskuti ona ho Prezidenti da Republika Timor Leste, Taur Matan Ruak durante oras balun nia laran konaba kestaun ne’e no konaba situasaun politika TL nian.
Sekger ne’e fiar katak, TL hanesan nasaun soberania atu iha situasaun politika lao diak presiza justisa ne’ebe mak justu.
“Situasaun politika sei lao la diak bainhira justisa laiha,”Ban Ki Moon komenta.
Ho konfiansa katak, Prezidenti da Republika Taur Matan Ruak hamutuk ho Prokurador Geral da Republika sei foti asaun hodi prosesa autor no organiza krimi iha tinan 1999.
Diretor Ezekutivu Asosiasaun HAK, Rogerio Viegas Vicente husu ba Sekertariu Geral ONU nian atu konsedera ralatoriu CAVR no CVA ne’ebe mak estadu TL entrega ona ba ONU iha 2005.
‘Ami husu atu ONU nafatin follow up ba relatoriu, ne’ebe mak iha tempu neba Xanana rasik mak entrega hanesan Prezidenti da Republika,”dehan Rogerio.
Discussion about this post