Radio, online – Sekretariu Geral ONU, Ban Ki Moon hasoru malu ho Prezidenti da Republika Taur Matan Ruak iha Palacio da Prezidensial tuku 12:20 otl dehan katak, Timor Leste agora dadaun hetan progresu barak.
Lia hirak ne’e hato’o husi Sekger ONU nian liu husi preskonferensia Kuarta, (15/8) deha, TL hetan ona progresu barak ona, ne’ebe Timor oan hotu tenke orgulhu tebes.
“ohin hau ho Prezidenti Taur halo diskusaun ida ne’ebe konstrutivu tebetebes. Nia (Taur) mensiona ninia prespektiva sira konaba progresu nasaun nia ne’ebe halo ona desde estabelesementu misaun nasaun unidas nian iha TL iha tinan 2006,”dehan Ban Ki Moon.
Ban Ki Moon haksolok tebes tamba bele mai hikas fali iha TL nudar vizita daruak nudar Sekretario Geral ONU nian.
“Hau haksoslok tebes ami mai iha ne’e enkuantu ita bo’ot nia nasaun marka aniversario ba dala sanolu, desde restaurasaun independensia no tama ona ba Tinan dala sanolu nudar membru ONU nian,”Ban Ki Moon hateten.
Ban Ki Moon hatutan, tuir ajenda aban sei ba vizita eskola Primara ida iha Liquica no hato’a hau nia diskursu ba estudante sira iha UNTL hodi sublina papel fundamental edukasaun iha nasaun ne’e ninia. Dezenvolimentu ba TL importante tebes no dezenvolvimentu barak ona mak halao iha nasaun ne’e.
Alende ne’e mos Ban Ki Moon hahii Timor oan hotu hotu tamba elisaun Prezidensial no Parlamentar halao ho susesu. Hirak ne’e hotu tamba halao ho pasifiku, hakmatek, no refeleta TL nia komprimisiu forte ba estabilidade demokrasio no unidade nasional.
Durante liu fulan Sanolu resin ne’en PNTL iha responsabilidade tomak ba polisia nia operasaun hotu hotu iha TL. PNTL la halo deit diferensia iha nasaun laran maibe sira halo mos diferensia iha mundu tomak
Sekger ONU nian ne’e mos fo parabens ba membru PNTL nian balun hola parte iha misaun manutensaunba pas tama iha ONU iha fatin seluk iha mundu ne’e.
Iha biban ne’e mos PR Taur mos hatete, Sekger Ban Ki Moon ho nia delegasaun tomak liu buat ida importante mak, hare mos dezenvolimentu rural no aspeitu sira seluk hotu ne’ebe liga ba dezenvolimentu Timor nian
No levanta mos prekupasaun balin ba nivel internasional nian mak problema CINa nia problema Guinea Bisaun nian no Sahara osidental nian Palestina nian portantu problema sira ne’ebe Sekretario jeral ONU prekupa.
“Iha vizita ne’e foka liu ba aspeitu ruam ida hare progesrus no ida seluk hare oinsa ita ho nasaun unidar serbisu dial liutan iha tempo oin mai,”Taur komenta.
Parte husi TL Prezidenti da Republika garante disponibilade total estado Timor nia par ke kontinua hametin parseria ho nasaun unidas ho komunidade Internasinal para TL sai nasaun ida prospriu ne’ebe iha pas no no dezenvolimentu progersu iha ita nia rai sai realidade ida.
Marka prezensa Ban Ki Moon simu ho parade militar husi F-FDTL iha palasio Prezidenti Nicolao Lobato. Iha lokraik Ban Ki Moon vizita arquivo museum da resitsensia .
Discussion about this post