Baucau- 24/09/2024_ ABC ID hamutuk ho Konselho Impresa de Timor-Leste realiza treinamentu ba media no jornalista sira kona ba reportanjen inkluzivu durante loron ida iha munisipiu Baucau.
Treinamentu ida ne’e realiza tanba Conselho Imprensa de Timor-Leste koopera hamutuk ho ABCID prodús matadalan ida kona-ba oinsa halo reportagen inkluzivu ne’ebé lansa tiha ona foin lalais ne’e, atu haklean liutan atu jornalista sira bele utiliza matadalan ne’e ho diak liutáni iha sira nia reportajen.
Tekniku superior asuntu formasaun Conselho Imprensa Maria Bibel Hateten,Conselho de Impresa halo planu hodi realiza treinamentu ida ne’e foku ba jornalista sira bele halo kobertura ho inkluzivu liuliu ba asuntu sira hanesan LGBTQI+, Ema ho Defisiensia no asuntu jéneru.
“Reportagen inkluzivu ne’e henesan ema sira ne’ebé sira nia lian nunka foti, dalaruma iha atividade eventual sira ne’ebé ko’alia konba ema difisiensia mak ita foin halo entrevista, iha loron baibain dalaruma ita la halo kobertura ne’ebé espesifiku ba ema ho difisiensia sira sira atividade” hateten Maria Bibel.
Nia hatutan treinamentu ida ne’e hakarak jornalista sira bele kobre iha kobertura diversidade sira no mensagen ba formadu sira utiliza didiak materia ne’ebé sira hetan ba sira nia kobertura no iha duvida bele hare fila fali matadalan ne’ebé mak conselho imprensa entrega ona.
Iha fatin hanesan formandu Chamot Nahak hateten, treinamentu ne’ebé Conselho Imprensa ho ABCID fahe hanesan oportunidade ida ba jornalista sira hodi hakerek nótisia kona-ba inkluzivu no liu husi formasaun ne’e mós hodi fasilita jornalista sira liuliu hakerek informasaun bele inklui kualkér asuntu ne’ebé mak halo kobertura.
“Treinamentu ne’ebé mak ami tuir ne’e la’os hanesan hahan ne’ebé mak ita han agora bosu ona, maibé siénsia ka matenek ne’ebé mak hetan no sei kontinua tan ba iha futuru no sei la resin,” dehan Chamot.
Acting manager of ABC ID Timor-Leste Media Development Program, Caroline Winter, konsidera formasaun ida ne’e hodi kapasita jornalista sira nia abilidade wainhira hakerek nótisia ka reportajen loro-loron nian no oinsá sira bele aprende no halo entrevista ho ema ne’ebé mak grupu minoridade sira.
“molok mai too iha treinamentu ohin loron ABC ID mos ajuda husi maun Nug hanesan autor ba manual reportazen inkluzivu nee no ami senti onradu tebes ho ida nee tanba manual ida nee imprtante tebes ba jornalista sira iha Timor laran tomak no ida nee sei ajuda jornalista sira sai inkluzivu liu tan iha sira nia reportajen sira” Caroline Winter
Mensajen ne’ebé husik hela ba jornalista sira mak espera jornalista sira empodera no sai inkluzivu liután iha sira nia reportajen iha futuru bele sai diak liutan. Pratisipante ne’ebé partispia iha trenamentu hamtu nain 25, mai husi radio komunidade sira iha munisípiu hotu inklui RAEOA nain (15) no Husi Dili media eletroniku sira hamtuk nain 10.
Jornalista : Arlindo Rui Nunes
Editor: Natalino Ximenes
Discussion about this post