Dili-07/09/2023, Fundasaun Patria koopera ho Plan Internasional Timor -Leste (PITL), kontinua realiza atividade Kolokiu Treinamentu Nasional nu’udar parte integrada husi programa empoderamentu ba media espesialmente Radio Local sira nia objetivu husi atividade kolokiu Treinamentu Nasional Funsionario Radio komunidade bele hatene klean liu tan informasaun sira ligadu ho papel media no orgaun eleitora iha prosesu eleisaun ne’ebe demokratiku no inkluzivu iha Timor-Leste.
Tuir Bord Fundasaun Patria Filomena Barros dos Reis, hatete sira sei kontinua nafatin ho progrma inkluzivamente ba papel ka responsabilidade autor media nian hodi fo sai informasaun ne’ebe loos ka edukativu no imparsialmente ba iha Radio komunidade sira hanesan linha formasaun frenti munisipiu sira tenki buka no hatene fortifika sira nia aan laos rekursu humanus maibe fortifika sira nia espasu no ekipamentus atu nune’e jornalista Radio sira prepara an didiak ba eleisaun suku ne’ebe sei akomtese iha fulan Outubru tinan ne’e .
“Aleinde ida ne’e Word Fundasaun patria nota katak iha buat ruamak ita hala’o iha ohin loron kolokiu no Treinamentu, no ohin itahalo kolokiu nasional ita bele la’o di’ak liu tan no responsabilidadeba autor media sira nian. Durante eleisaun hodi promovetransparansia imparsialidade ne’e importante tebes ho nune’e ita belegarantia eleisaun ne’e la’o ho di’ak no inklusivu ” dehan Filomena ba jornalista sira iha Hotel Tower Fatuhada Dili, 07/09/2023.
Partisipante Everalda da Concecao Duarte Maia, hatete nia sente orgullu tebes partisipa iha treinamentu ne’e tamba nia mos hetan informsaun ne’ebe mak importante tebes ba nia hodi halo servisu hanesan jornalista iha terenu liuliu prepra mos nia an iha eleisaun suku ne’ebe mak sei akontese.
“Hau kontete bainhira partisipa iha formasaun ida ne’e tamba bele faselita ona hau bainhira halo servisu iha terenu no liga mos ba tema ne’ebe mak relevante tebes ba sevisu ema jornalista sira nian mak Papel no Responsabilidade Atores Midia Durante Eleisaun hodi Promove Transparensia ,Responsabilidade no Imparsialidade iha Eleisaun Demokratiku no Inkluzivu ho tema ne’e hafanun mos hau hodi sai ema ne’ebe tenki responsavel ba hau knaar rasik ” dehan Everalda.
Sekretariau estadu komunikasaun sosial (SECOMS), Expedito loro Dias Ximenes hateten, Kolokiu treinamentu nasional,ba radiukomunidade no mos ba media nasional sira, ho tema papel mediasira durante eleisaun hodi promove transparansia responsabilidadeno imparsiali iha eleisaun demokratiku no inklusivu, no halo kobertura ba kolokiu treinamentu nasional kona-ba papel no responsavel aktores midia durante eleisaun hodi promove transparansia,responsabilidade no imparsialidade iha eleisaun democratiku no inklusivu.
“seminario kolokiu nasional ohin ne’e importante tebes tanba halibur media sira no gestor radiu komunidade sira Iha dili no iha municipiu hodi bele akompania no bele tuir kolokiu no treinamentu ne’e kona ba eleisaun presidencial ho parlamentar ne’ebe liu tiha ona”. Dehan Expedito
Oinsa ho papel media nia tranparensia no imparsialidade durante eleisaun rua ne’e, durante SECOMS senti katak kolokiu nasional ne’e importante tebes tanba bele fo hanoin ba Jornalista sira husi municipiu hotu-hotu atu bele hare no hatene sira nia knaar Liu husi eleisaun rua ne’ebe liu Tiha ona iha fulan kotuk ne’e. Nia explika
“Kolokiu nasional ne’e importante tanba sei ba oin ita iha eleisaun suku ne’ebe sei tuir mai ne’e, iha kolokiu ida ne’e responsavel husi CNE, STAE no konselhu de imprensa ida ne’e hola parte hodi bele fo hanoin oinsa papel media nian ba iha kontestu nasional ne’ebe sei tuir mai eleisaun.
Iha atividade kolokiu Treinamentu Nasional ne’e halao ba aktores Radio lokal sira hamutuk 23 ne’ebe eziste iha teritoriu nasional liuhusi agrupamentu rejional hanesan iha kapital Dili inklui Munisipiu Atauru, Aileu, Raeoa, Ainaro, Manufahi, Covalima, Liquica, Ermera, Maliana, Baucau, Viqueque, Lospalos no Manatuto. Treinamentu Nasional refere ne’e hetan apoiu maximu husi parseiru advokasia Fundasaun Patria nian mak : PITL, CI , SECOMS no CAUCUS, iha treinamentu ne’e iha mos Orador haat (4) mai husi SECOMS ,CNE ,CODIVA, MOA, no ADTL no programa ne’e iha mos partisiante total ema neen nulu (60), inklui Jornalista Radio komunidade husi munisipiu 13 no jornalista husi Munisipiu Dili iha Radio 7, ne’ebe mak Fundasaun Patria rejistu .
Jornalista: Nazya Araujo & Reni
Editor: Jonas
Discussion about this post