AHDMTL SELEBRA ANIVERSARIU BA DALA 12 HODI HASA’E KREATIVIDADE EMA DEFISIÉNSIA MATAN SIRA NIAN

Dili-30/06/2023, Asosiasaun Halibur Defisiénsia Matan Timor-Leste (AHDMTL) hanesan organizasaun ida ne’ebé mak halibur Ema ho Defisénsia Matan sira, atu proteje ba Ema ho Defisénsia hodi transforma solusaun ba dezenvolvementu inkluzivu hanesan inovasaun atu hametin mundu ida ne’ebé asesivel no edukativu.

Tuir diretor ezekutivu AHDMTL, Gabriel Ponciano de Sousa hateten, relasionanhokomemorasaun aniversariu AHDMTL nian ba dala 12 ne’ebé existe iha Timor-Leste hodi kontrola problema sosial ne’ebé mak ema defisénsia sira hasoru iha area rural, tamba ne’e mak sira komemora hamutuk ho maluk defisiénsia matan inklui parseiru servisu no komunidade sira iha sentru AHDMTL.

^{Gabriel Ponciano de Sousa, Diretor Ezekutivu AHDMTL}

“Komemorasaun ne’e hodi hatudu katak asosisasaun ne’e hamriik iha prinsipiu ida rasik atu defende valor no promove proteje direitu ema defisénsia sira nian liuliu refleta ba kontestu Timor nian ne’e fó liberdad tamba adopta prinsipiu direitu humanus nian, tamba ne’e Asosiasaun AHDMTL hamriik hodi defende ema defisiénsia sira hanesan iha artigo 21 mós koalia kona ba direitu ema defisiénsia sira nian”Hatete Diretoe ezukutivu iga AHDMTL iha Manleuana Ohin.

Aniversariu ne’e monu iha loron 1 fulan jullu iha loron aban, maibe ohin ne’e sira halo atividade kompetisaun oioin no halo iha loron sexta, no iha loron sabado  sira anunsiu rezeltadu ba manan nain sira hodi selebra  aniversario AHDMTL ba dala 12 ho Desafiu mak oportunidade, hamutuk haforsa  AHDMTL ohin aban no ba futuru, bazeia ba tema hatudu katak Ema ho Defisénsia Matan Nia Papel Importante Tebes Hodi Partisipa Iha Dezenvolvementu Nasional Nasaun Nian, nune’e ema ho defisiénsia matan mos iha direitu hanesan ho ema seluk hodi espresa sai  kreatividade  no talentu  ne’ebé sira iha liu husi buat ne’ebé sira bele halo.

“Relasiona ho tema ne’ebé ami foti liga liu mai ami defisénsia sira susar no menus finanseiru  ida ne’e sai hanesan dezafiu boot ida mai ami  no dezafiu seluk ne’ebé  mak maluk defisente sira  seluk hasoru iha area rural mak  la asesu ba informasaun, maibé  ami defisénsia sira la foti ida ne’e hodi sai barreira mai ami maibé ami nafatin iha espiritu vontade no voluntarizmu iha sosiedade sira  no ami rai ida ne’e hodi luta ba diretu ema ho defisénsia sira nian” tenik Diretor Gabriel, ba Jornalista Radio Liberdade iha Edifisio AHDMTL Manleuna.  

Reprezentante membru União Defisente Matan Timor-Leste (UDMTL), Januario Pintu husu mos ba 9⁰ governu atu kria kondisaun ne’ebé di’ak ba ema defisénsia no konsidera ema defisénsia sira nia ezistensia iha sosiedade, atu ita nia nasaun Timor -Leste sai nasaun ne’ebé demokratiku no inkluzivu.

Liga ho aniversariu ne’e, preprasaun husi atividade sira mak hanesan kompetisaun hakerek taru ho letra braille, no mos modalidade ka uza ai tonka hodi lao ba ema ho defisénsia matan, husi atividade hirak ne’e atu bele halibur defisénsia matan sira hodi festeza hamutuk.

Apoiu ba atividade loron rua ba aniversario AHDMTL nian husi parseiru hanesan Timor Telekom, Telekomcel, Bulger King, Word Vission no BNCTL.

Jornalista : Natalia Araújo

Editora. : Eva Flor