Radio, online – Prezidenti da Republika,Taur Matan Ruak konvida lider Partido historiku FRETILIN nain rua, Francisco Guterres no Mari Alkatiri hodi rona nia ideia no hanoin konaba situasaun iha rai laran no ahre hamutuk antes misaun ONU nia mandatu atu remata iha nasaun ne’e.
Prezidenti FRETILIN, Francisco Guterres‘Lu-Olo’, ba jornalista sira iha Palasio Prezidensial Aitarak Laran, Kuarta, (12/9) dehan, PR Taur konvida ami nai rua partikularmenete atu fo ami nain rua nia opiniaun konaba oinsa mak ita hamutuk hari ita nia rai no povo nia distinu. Nune’e mos troka hanoin konaba misaun ONU nian, ne’ebe atu remata iha 2013 mai ne’e.
“Ami hanoin, TL sei presiza nafatin ONU maibe ho misaun ki’ik oan, atu nune ita nia imajen ho ONU sei iha nafatin,”dehan Lu-Olo.
Lu-Olo, hatutan, wainhira ONU nia mandatu ONU atu remata presiza hare katak situasaun agora dadauk lao diak, tamba instituisaun PNTL no F-FDTL halao kna’ar ho diak ona..
“Ita presiza ONU ho misaun ki’ik nafatin ho ita, ida ne’e mak ami koalia. Maske situasaun ita bele dehan kalma, importate mak ita hare ba iha futuru,” Lu-Olo akresenta.
Discussion about this post