Radio, online – Ministru Agrikultura no Peskas (MAP), Mariano Assanami Sabino husu Ministru foun ne’ebe mak atu troka nia tenki kontinua politika IV governu nian kona ba fila rai gratuita ba agrikultoris.
“Iha V Governu tuir mai, primeiru nia tenki fortalese Ministéiru ne’e sai forte, liu tan iha tina lima oin mai no segundu tenki kontinua politika fila rai gratuita ba Agrikultor sira,” katak Asanami.
Durante ne’e MAP iha Elementu hat (4) importante, primeiru hanesan, instituisaun Estadu oinsa bele dezemvolve saio forte liu tan, para bele hala’o implementasaun servisu iha bazé ho efesiente no efetivu.
Segundu, dezenvolve formasaun ba povu Agrikultorrasik, husi sub-sistensia ba modern ne’ebe utilija materialhusi tradisional ba material teknolozia,no hein deit ba orienta fa’an iha merkaduria.
Terseiru, dezemvolve produsaun hodi hasa’e pródusaun ho kualidade, no oinsa prósesamentu bele rai produsaun ba fa’an.
No ikus ba dala hat (4), Dezemvolvimentu infraestrutura, durante ne’e kuaze kanal irigasaun hamutuk 40 resin mak halo ona, hanesan irigasaun bo’ot iha Bebui, Maliana I, no agora aloka tan orsamentu hadi’a irigasaun Maliana II, Oebaba, Rai-Bere inklui irigasaun Karau –Ulun.
“Ami mos identifika ona Potensia baragen 15 importante ba Futuru ministru tuir mai mos tenki kontinua nafatin,” husu Asanami.
Discussion about this post