Radio, online – Ema deskoinesido sunu eskola, Ensino Basiku no 3 Lulira, Suku Fuluru, Sub- Distritu Lospalos, Distritu Lautem.
Diretor eskola ensino basiku Gilberto da Cruz infoma ba radiolibedadedili online liu husi via telefone (17/7). Diretor hateten katak, ema dekoinesidu sunu eskola ne’e iha sala eskritorio Diretor ho profesor nian.
Rezulta husu hahalok la nasionalizmu ne’e hodi halo dokumentus no buat hotu hotu lakon tamba ahi han hotu.
“Ami nia dokumentus eskola nian no livru mestri nian ahi han hotu. Agora dadaun ami la hatene atu uza sala saida ba mestri sira no livrus mestri nian,”dehan Diretor ensino basiku Lulira.
Diretor hatutan, ema deskoinesidu atu sunu eskola iha tuku 10:10 kalan. Kazu ne’e Diretor entrega ona ba parte polisia buka tuir autor no halo prosesa tuir lei tamba estragas sasan estadu nian.
“Ami nia estudante sira mai eskola, maibe hau mak dehan ba sira katak ita nia eskola ema sunu ne’ebe imi fila ba uma ona. Tamba ne’e mak ohin ami la fo ezame ba estudante sira tamba dokumetus ahi han hotu,”dehan Diretor
Discussion about this post