Radio, online – Liu husi enkontru redasaun, midia Radioliberdadedili online ne’ebe hamahan-an iha instituisaun Timor Leste Media Development Centre (TLMDC) hodi haruka jornalista Acacio Pinto ba husu hikas kemera foto ne’ebe hadau husi membru PM ida foin lalais ne’e iha Domingu dader.
Iha Segunda (2/7) jornalista ne’e hakat ba Quartel Unidade Polisia Maritima (PM) Quintal Bo’ot, tuku 10:20 otl.
Antes atu hasoru malu ho Komandante PM, Fex Silva naran ne’ebe hakerek iha kamiza militar nia oin. Jornalista Acacio prense uluk buku bainaka nian ne’ebe iha sala vizita. Iha membru PM ida husu. “Alin mai presiza saida?. Jornalista ne’e hatan, hau atu komfirma ba hau nia kamera ne’ebe iha domingu kotuk hetan prende husi PM Fex Silva. Hetan esplikasaun ne’e, membru ne’e fo lisensa ba hasoru direita komandante PM.
Iha hasoru malu ho Komandante PM, Fex Silva ne’e, Komandante PM ne’e husu ba jornalista Acacio hak hakerek naran kompletu, data moris, husi media ne’ebe no nudar pozisaun iha nia diariu privadu.
Depois priense identidade, Komandante PM ne’e dehan ba jornalista Acacio , nusa mak horseik la mai foti kamera. Perguntas ne’e, Acacio la responde.
Komandante ne’e hatutan, hakarak hatene, tamba saida mak iha kalan ne’e hasai foto husi ami nia kotuk.“Ita bo’ot hakarak hatene, hau foti ita nia kamera ne’e, tamba hau deskonfia ita bo’ot. Dala ruma ita bo’ot hatene ami nia problema, no iha kalan neba hau husu labele halo berita sai hangat tamba ne’e mak hau foti kamera,”Komandante PM ne’e komenta.
Komandante ne’e husu atu hatene katak, iha kazu foin dadaun mosu iha Baucau dehan PM sira mak halo razia ba feto sira ne’ebe hatais saia badak.
“Imi media mak fo sai ba publiku dehan ami PM halo razia ba feto sira hatais saia badak, laos ema seluk , tamba ne’e mak prinsipal ba ami ne’e mak ami foti kamera,”Komandante Fex Silva esplika.
Discussion about this post