Radio-Online, Planu Asaun Nasional ba Violensia Bazeia ba Jeneru (PAN) hetan Aporovasaun husi Konsellu Ministru iha sira nia sesaun extra-ordinaria iha loron 29/5/12.
Sekertaria Estadu ba Promosaun Igualidade (SEPI), Idelta Maria Rodrigues mak aprezenta draft ba rezolusaun konaba aprovasaun ne’e ba konsellu ministru.rezolusaun ne’e mos estabelese “komisaun Inter-Ministerial no membru sosiadade sivil, ho knar atu koordena no monitoria implementasaun PAN ne’e. Asuntu ne’e fo sai husi Sekertair SEPI liu husi via email ba radioliberdadedili.com foin lalais ne’e.
Bazeia ba Artigu 13 husi Lei kontra violensia domestika, Sekertaria Estadu ba Promosaun Igualdade lidera prosesu hakerek PAN, ho apoiu tekniku husi komite multisetorial,UNPFA,no UN Women.orsamentu ba prosesu dezenvolvementu PAN ne’e mai husi ajensia kooperasaun Espanol liu husi fundu objetivu dezenvolvementu mileniu konaba “Suporta Igualiade Jeneru no Direitu Feto Iha Timor-Leste.
Planu asaun nasional konaba Violensia Bazeia ba Jeneru mak abordajen multi –setoral dahuluk husi Timor-Leste ba kombate violensia bazeia ba jeneru no identifika objective tempo badak no tempo naruk ba tinan tolu nian.
Planu ne’e mos elabora oinsa instituisaun estadu sira,sosiadade sivil,no parseiru dezenvolvementu sira sei serisu hamutuk iha setor edukasaun, servisu sosiais, justisa, seguransa no saude hodi atinji objektivu sira ne’e. PAN mos define area focus estratejiku ,area ba kolaborasaun nomos mekanizmu diak ba koordenasaun,monitorizasaun,no avaliasaun.
Liu husi planu ne’e, governu buka atu prevene forma oioin violensia ba zeia ba jeneru,inklui violensia domestika,hare ba nesesidade vitima sira,no halo autor violensia sira bele responsabiliza ba sira nia hahalok.
Discussion about this post