Radio, online – Porta Voz ekipa vitoria Prezidenti Taur Matan Ruak (TMR) Fidelis Magalhaens infoma ba radiodilionline.com iha Kinta, (24/5) iha palasio Prezidenti da Republika katak, ekipa vitoria ne’ebe durante ne’e servisu hamutuk durante iha kampaina nia laran mak sei servisu iha palacio Prezidensial.
“Ami sira ne’ebe tama ekipa vitoria mak sei mai halao knar iha Palacio Prezidensial ne’e, ema sira ne’ebe laos tama ekipa sei la bolu mai servisu iha ne’e. Hau desmente iha informasaun dehan iha ema foun husi rai liur mak mai servisu hamutuk ho TMR. Ita dehan ema foun, ne’e hau hanoin ita labele sulap hodi hatam ema arbiru,”Fidelis klarifika.
Antes Fidelis responde ba problemas ne’e, iha membru ekipa Vitoria iha sede TMR Taibesi la satisfa ho ekipa tranzisaun lori ema foun balun ba servisu iha palacio prezidensial.
Tuir Fidelis, estrutura ekipa vitoria barak mak jovens ne’ebe treinado. Iha kredensias akademikas, kualifikasaun nesesaria. Hau hanoin preparasaun prontu ona, kestaun mak trazisaun kestaun legais. Transferensia poderes buat sira ne’e ita presija hatene.
“Ita tenke laos kalma Prezidensial ne’e orgaun soberania ida, enatun presiza ekipa ida suporta. Ekipa ida hanoin naruk laos ho lao ne’eneik para ita nia nasaun ne’e ita la bele husik ida sae halo buat hotu rahun halo buat foun fali ne’e ita la iha responsabilidade,”Fidelis komenta.
Fidelis informa katak, ekipa trazisaun n’eebe agora dadaun hahu knar ne’e ekipa kabesa. Ekipa ne’e Fidelis rasik mak lidera. Ema sira ne’e hotu uluk hamutuk durante iha kampaina nia laran. Transferensia hahu kedan iha dia 20 de Maiu sei to’o dia 30 de Junu.
“Ita tenki komprende ema sira kontratadu sira nia tempu. Kontratadu sira sei remata fulan oin. ne’e. Ami respeita prosesu agora ne’e fasilita tranzisaun para nune iha istituasaun ne’e bele pasa husi ida ba ida ho forma ho manera bem pensada bem planeado ida ne’e mak intensaun,” Fidelis esplika
Agora daduan ekipa tranzisaun ne’ebe tama iha palacio Prezidensial hamutuk ema nain 13. Hein katak, iha fulan Junu oin mai remata ekipa husi TMR sei okupa hotu fatin senstitivu Palacio Prezidensial.
Discussion about this post