Radio, online – Liu husi julgamamentu iha Tribunal Disrital Dili (TDD) fo livre ba estudante 84 ne’ebe iha involve manifestasaun ba loron Trabalho May day, foin lalais ne’ebe rezulta Otel Timor nia vidru bo’ot iha oin sai rahun.
Maske TDD fo livre maibe investigasaun sei halao nafatin hodi hetan lolos se mak tuda vidru Otel Timor nian ne’e.
Prokurador Domingos Barreto informa, iha loron 3-5-2012 iha tuku 12:00 olt, TDD hateten, faktus ne’ebe tribunal aplika tuir no proseu sei kontinua investiga nafatin, tamba ne’e tribunal determina media kuasaun ba estudante sira .
“Proseu invenstiga sei lao ba oin nafatin hodi bele investiga se mak hakanek Polisia, se mak tuda rahun vidru no se mak tuda rahun kareta ne’e nia prosesu investigasaun lao nafatin,”dehan Prokurador Domingos.
Defensor publiku Vilson Domingas Cabral dehan, rezultado julgamentu ne’e Ministerio Publiku la bele hatudu provas sufisienti hodi akuza estudante sira.
“Ministeri publiku seidauk identifika see tuda vidru otel Timor, harahun kareta no hakanke polisia tamba ne’e TDD fo liberdade ba sira, ami hein Ministerio publiku lori provas mai iha tribunal, hau prontu koopera,”dehan defensor ne’e.
Julgamentu hahu iha tuku 08:00 otl kalan no remata iha tuku 12:00 otl kalan. Depois remata julgamentu polisia lori estudante sira ba eskuadra Polisia Kaikoli hodi foti estudante sira nia sasan ne’ebe hetan prende. Estudante 84 iha feto nain hitu, antes julgamentu durante oras 72 estudante hirak ne’e ba toba iha prizaun Becora, Dili.
Discussion about this post