Radio, online – Ministra Justisa Lucia Brandao Lobato konfesa katak, aban Tersa, (24/4) Tribunal Distritu Dili sei halao julgamentu ba nia. “Hau sala duni hau nia fatin mak ba toba iha komarka Becora ou Gleno,”dehan Lucia Lobato liu husi konferensia da empresan Segunda (23/04) iha sala de konferensia Ministeiru da Justisa, Kaikoli, Dili.
Tuir Lucia ema hotu tenki hakruk ba lei. Ministra husi PSD ne’e dehan nia sei laiha iha komentario wainhira iha prosesu julgamentu nia laran hetan sala duni.
“Hau ezerse kargu hanesan Ministra Justisa i hanesan Timor oan bai-bain pronto atu hatan akuzasaun ne’ebe pendente hela iha Tribunal Distrital Dili” Lucia konfesa.
Funsionamentu ba kargu Ministra Justisa aban paradu tanba aban tempu to’o ona atu hatan keisas ne’ebe iha Tribunal
Minstra ne’e mos iha nia sentiment responsabilidade hodi respeita ba Lei no hakruk ba lei. Ministra Justisa hetan kondenasaun husi Ministereiu Publiku iha indikasaun kazu korupsaun ne’ebe involve mos nia laen.
Kazu hirak ne’e mak hanesan halo moru iha prizaun Becora no Gleno nomos sosa farda ba fungsioniaru prizaun sira.
Discussion about this post